मेची-महाकाली अभियान प्युठानमा, राष्ट्रियताप्रति एकतावद्ध हुन आग्रह

शिव पन्थी, प्युठान ।
राष्ट्रिय जनमोर्चाले सञ्चालन गरेको ‘अमेरिकी साम्राज्यवादविरुद्ध मेची –महाकाली अभियान’ को पश्चिमी टोली बुधबार प्युठान पुगेको छ ।
अभियान टोलीले स्वर्गद्वारी नगरपालिकाको भिङ्ग्री बजारमा कोणसभा सम्पन्न गरेको छ ।

कोणसभालाई सम्बोधन गर्दै राजमो उपाध्यक्ष एवम् प्रवक्ता दुर्गा पौडेलले विश्वभरका साना र कमजोर देशको दुस्मन अमेरिकी साम्राज्यवाद भएको बताउनुभयो । उहाँले अमेरिकाले विश्वमा द्वन्द्व फैलाउने, अशान्ति मच्चाउने र आफ्नो हतियार बेच्ने काम गर्दै आएको भन्दै राजनीति र आस्था फरक भए पनि राष्ट्रियताको सवालमा सबै एकजुट हुुनपर्नेमा जोड दिनुभयो ।

राजमो स्वर्गद्वारी नगर समितिका सचिव दोर्ण रावलको सञ्चालनमा अगाडि बढेको सो कार्यक्रममा नेकपा (मसाल) लुम्बिनी प्रदेशका प्रवक्ता तिलक जिसी, अखिल (छैठौं) का केन्द्रीय अध्यक्ष देबेन्द्र कुँवर, जनजाति सम्मेलनका केन्द्रीय सचिव उषा पुन, राजमो जिल्ला सदस्य तथा स्वर्गद्वारी नगरपालिकाका उपप्रमुख मिनराज राना, राजमो रोल्पा जिल्ला अध्यक्ष मेघनाथ विष्ट र राजमो नगर समितिका अध्यक्ष गिर बहादुर गुरुङ लगायत वक्ताहरुले सम्बोधन गर्नुभएको थियो ।

वक्ताहरुले अमेरिकी साम्राज्यवादले नेपालमा आफ्नो हस्तक्षेप बढाउँदै लगेको उल्लेख गर्दै राष्ट्रियता, सार्वभौमिकता, गम्भीर खतरामा परेकोले त्यसका विरुद्ध सम्पूर्ण नेपाली एकजुट हुन आग्रह गर्नुभयो ।

बुधबार, जेठ १०, २०८० मा प्रकाशित

भर्खरै

स्वास्थ्य बिग्रिएपछि अनशनरत डा केसी सेती अस्पतालमा

वास्तविक नक्सासहित तयार हुँदै एक रुपियाँको सिक्का

अन्तत: झुक्यो सरकार : भारतीय शिक्षामन्त्री प्रधानको राजीनामा

राष्ट्रिय परिचयपत्र अनिवार्य गर्दै केन्द्रीय बैंकद्वारा भुक्तानी प्रणालीसम्बन्धी निर्देशिकामा संशोधन

यस्तो छ आजका लागि विदेशी मुद्राको विनिमयदर

आजको मौसमः एकदुई स्थानमा भारी वर्षाको सम्भावना

पूर्वोत्तर भारतका आदिवासी समुदाय : संस्कृति, संघर्ष र आर्थिक रूपान्तरणका चुनौतीहरू

वर्तमान राजनीतिक परिस्थितिमा वामपन्थी दलको भूमिकाबारे विचारगोष्ठी

उच्च अदालतले सम्बन्धविच्छेदमा ६४ करोड डलर तिर्न आदेश

लोकप्रिय समाचार