मेची-महाकाली अभियानप्रति मधेशी जनताको आकर्षण, भन्छन् : संघीयता लुट्न ल्याएको रैछ

आइतबार, जेठ ०७, २०८० मा प्रकाशित

गणेश अधिकारी, सिरहा ।
राष्ट्रिय जनमोर्चाले सञ्चालन गरिरहेको मेची–महाकाली अभियानप्रति मधेशी जनताको आकर्षण देखिएको छ । राष्ट्रिय जनमोर्चाले सही नीति लिएर कार्यक्रम गरिरहेको भन्दै मधेशमा अभियान टोलीलाई जनताले स्वागत गर्ने, रुचीपूर्वक कार्यक्रम सुन्ने तथा पर्चा, पोस्टरहरु पढ्ने काम गरिरहेका छन् ।

मधेश प्रदेशका विभिन्न जिल्लामा सञ्चालित कार्यक्रममा स्थानीय जनताले संघीयताले देश र जनता लुटेको भन्दै खारेज गर्नुपर्नेमा जोड दिएका छन् ।

अभियान टोलीका नेता कार्यकर्ताहरुसँग स्थानीयले संघीयता लुट्नको लागि ल्याएको भान भइरहेको बताए । उनीहरुले सुरुमा संघीयताप्रति भ्रम भएपनि अब मधेशी जनतामा भ्रम नरहेको पनि स्पष्ट पारेका छन् ।
त्यसका साथै अमेरिकी साम्राज्यवादविरुद्ध राष्ट्रिय जनमोर्चाले कार्यक्रम गरेर जनतालाई सचेत बनाएको स्थानीयको भनाई छ ।

राजमोले जेठ १ गतेदेखि सञ्चालन गरेको ‘अमेरिकी साम्राज्यवादविरुद्ध मेची महाकाली अभियान अन्तर्गत आज (आइतबार) पश्चिमी टोलीले महोत्तरीको बर्दिवास र सिरहाको कर्जन्वहा नगरपालिकाको वस्तिपुरमा कोण सभाको आयोजना गरेको छ ।

बर्दिवासमा आयोजित कोणसभालाई राजमो नेता चन्द्र सापकोटाले सम्बोधन गर्नुभएको थियो ।

यता, सिरहाको वस्तिपुरमा आयोजित सभाको अध्यक्षता तराई मधेश जनवादी मोर्चाका कुशेश्वर यादव र सञ्चालन गणेश अधिकारीले गर्नुभएको थियो ।

कार्यक्रममा राजमो केन्द्रीय सचिव हिमलाल पुरी र युगदर्शनका व्यवस्थापक हरिकान्त शर्माले सम्बोधन गर्नुभयो । कार्यक्रममा राजमो नेताहरु शेरबहादुर कार्की, श्यामसुन्दर विसी, चन्द्र सापकोटा, अच्युतम केसी, रामचन्द्र शाह र अखिल (छैठौं) का केन्द्रीय सदस्य सन्ध्या भट्टराईको आतिथ्यता रहेको थियो ।

मेची-महाकाली अभियान : वीरेन्द्रनगरमा पत्रकार सम्मेलन र र्‍याली, छिन्चुमा कोणसभा

मेची-महाकाली अभियान : पूर्वी टोलीको हरिवन, पश्चिमको कोहलपुरमा विरोध सभा