गणेश अधिकारी, भद्रपुर ।
अमेरिकी साम्राज्यवादविरुद्ध राष्ट्रिय जनमोर्चाले सञ्चालन गरेको मेची महाकाली अभियानको पूर्वी टोली झापा पुगेको छ । टोलीले सोमबार झापाको दमक र काँकडभिट्टामा विरोध कार्यक्रम गरेको छ ।
काँकडभिट्टामा आयोजित कार्यक्रमलाई सम्बोधन गर्दै राष्ट्रिय जनमोर्चाका सचिव हिमलाल पुरीले अमेरिकी साम्राज्यवादले नेपालमा आफू अनुकुल सरकार बनाउन रास्वपालाई अगाडि सारेको बताउनुभयो । उहाँले अमेरिकी साम्राज्यवादी हस्तक्षेप बेलैमा नरोक्ने हो भने नेपाल युक्रेन बन्ने चेतावनी पनि दिनुभयो ।
‘नेपालमा अमेरिकी साम्राज्यवादले आफ्नो हस्तक्षेप बढाउँदै लगेको छ । उ नेपालमा आफू अनुकूल सरका चाहन्छ’ पुरीले भन्नुभयो, ‘त्यसकार राष्ट्रिय स्वतन्त्र पार्टी नामको दल खडा गरेर नेपालमा प्रत्यक्ष रुपमा आएको छ ।’
नेता पुरीले देशमा लोकतन्त्रमाथि खतरा र राष्ट्रियतामाथि कालो बादल एकैचोटि मडारिरहेको बताउनुभयो ।
उहाँले भन्नुभयो, ‘एकातिर प्रतिगामीहरु सलबलाएका छन् । हिन्दुराष्ट्रका नाममा पुनः राजतन्त्र फर्काउन चाहन्छन् । अर्कोतर्फ विदेशी हस्तक्षेप बढेको छ । यो अवस्थामा जनता थप सचेत हुन आवश्यक छ ।’
नेता पुरीले अहिलेको सन्दर्भमा संघीयता खारेजी, वैदेशिक हस्तक्षेप बन्द गर्नुपर्ने र गणतन्त्रको रक्षा मुख्य कार्यभार रहेको स्पष्ट पार्नुभयो ।
काँकडभिट्टामा भएको विरोधसभामा सञ्चालन युगदर्शनका व्यवस्थापक हरिकान्त शर्माले गर्नुभएको थियो ।
कार्यक्रममा राजमो प्रदेश अध्यक्ष अमृत पाण्डे र अखिल (छैठौं) का केन्द्रीय उपाध्यक्ष गणेश अधिकारीले पनि सम्बोधन गर्नु भएको थियो ।
कार्यक्रमको बिच बिचमा रक्तिम सांस्कृतिक अभियानका कलाकारहरुले आफ्नो नृत्य प्रस्तुत गरेका थिए ।
यता, दमकमा भएको कोणसभालाई विद्यार्थी नेता गणेश अधिकारीले सम्बोधन गर्नुभएको थियो ।
- प्रतिद्वन्द्वी चीन विरुद्ध अमेरिका नेपालमा आयो : पौडेल
- मेची-महाकाली अभियानप्रति मधेशी जनताको आकर्षण, भन्छन् : संघीयता लुट्न ल्याएको रैछ
- मेची-महाकाली अभियान : वीरेन्द्रनगरमा पत्रकार सम्मेलन र र्याली, छिन्चुमा कोणसभा
- मेची-महाकाली अभियान : पूर्वी टोलीको हरिवन, पश्चिमको कोहलपुरमा विरोध सभा
- राजमो नेतालाई पत्रकारको प्रश्न : भारतीय हस्तक्षेप छोडेर अमेरिकाको विरोध किन गर्नुभएको ?
- ‘नेपाललाई हिन्दुराष्ट्र बनाउन भाजपाले लगानी गरेको कुरा विदेशीले समेत भन्न थाले’
- अमेरिकी साम्राज्यवाद नेपालमा आफ्नै पार्टी बनाएर हस्तक्षेपमा उत्रियो : पुरी
- साम्राज्यवादविरुद्ध ‘मेची-महाकाली अभियान’को टोली बारा र बर्दियामा
- जब देशलाई अप्ठेरो पर्छ, राजमो जनताको बीचमा आउँछ : मनोज भट्ट
- अमेरिकी साम्राज्यवाद आतङ्कवादको मसिहा : अधिकारी
- राष्ट्रिय जनमोर्चाका महासचिव मनोज भट्ट गाडी दुर्घटनामा घाइते
- चीनलाई घेर्न अमेरिकाले नेपालमा घुसपैठ बढायो : महासचिव भट्ट
- गणतन्त्रको विकल्प प्रतिगमन होइन : अधिकारी
- साम्राज्यवादविरुद्ध राजमोको मेची महाकाली अभियानका दुई टोली धनगढी र पोखरामा
- मेची–महाकाली अभियानको बागलुङ बजारमा उद्घाटन
- अमेरिकी साम्राज्यवादविरुद्ध राजमोको मेची-महाकाली अभियान महेन्द्रनगरबाट सुरु
