बरुणध्वज मल्ल, लालबन्दी (सर्लाही) ।
अखिल नेपाल युवक संघको मेची महाकाली खबरदारी अभियानलाई मधेशमा भब्य स्वागत गरिएको छ । जातीय तथा क्षेत्रीयतावादले गाँजेको प्रदेश २ मा युवा अभियन्ताहरुलाई स्थानीयले भब्य स्वागत गरी युवा नेताका कुरा चासोपूर्वक सुनेका छन् ।
अखिल नेपाल युवक संघले भ्रष्टाचार र नागरिकता संशोधन विधेक विरुद्ध माघ १५ गते महेन्द्रनगरबाट सुरु गरेको खबरदारी अभियान प्रदेश २ को सर्लाही पुगेको छ । प्रदेश २ का बारा, पर्सा, सर्लाहीका विभिन्न ठाउँमा युवा अभियन्ताहरुलाई स्थानीयले भव्य स्वागत गरेका छन् ।
मधेश भूमिमा स्वागत पाएपछि युवक संघका उपाध्यक्ष मुकुन्द रोकायले मधेशबाट क्षेत्रीयतावाद परास्त हुँदै गएको आफूले अनुभव गरेको बताउनुभयो । युगदर्शनसँग कुरा गर्दै रोकायले भन्नुभयो, ‘हामीले संघीयताको विरोध गर्दा दुई वर्ष अघिसम्म यहाँ हामीमाथि अघोषित प्रतिबन्ध लगाइएको थियो । अहिले स्थानीयले नै राष्ट्रिय जनमोर्चाले सही कुरा गरेको रहेछ भन्न थालेका छन् । यो स्पष्ट रुपमा जातीवाद र क्षेत्रीयतावाद परास्त भएको संकेत हो ।’
यस्तै, युवक संघका अर्का उपाध्यक्ष लक्ष्मण पुनले पनि मधेश भूमिमा आफूहरु निकै उत्साहित बनेको बताउनुभयो । ‘जनताले हामीलाई ठाउँ–ठाउँमा स्वागत गरेका छन् । हाम्रा कुरा चासोपूर्वक सुनेका छन्’ पुनले भन्नुभयो, ‘भ्रष्टाचार, नागरिकता ऐन, संघीयताका कारणले भएको कर वृद्धि, एमसीसी लगायतका विषयले जनतालाई छोएको छ ।’
उपाध्यक्ष पुनले नेकपा (मसाल)को सहायक संगठन अखिल नेपाल युवक संघले पार्टीको नीति हजारौं जनताका बीचमा पुर्याउन सफल भएको बताउनुभयो । उहाँले भन्नुभयो, ‘हाम्रो पार्टीको नीतिलाई हामीले देशको करिब दुई तिहाई भूभागमा पुगेर लाखौं जनताका माझमा पुर्याउन सफल भएका छौँ । यो हाम्रो ठुलो उपलब्धि हो ।’
खबरदारी अभियानका क्रममा युवक संघको मोटरसाइकल -याली आज लालबन्दी पुगेको छ । शनिबार र आइतबार बाराको सिमरा, रौतहटको गौर, पौराही, सर्लाहीको लालबन्दी, हरिवन लगायतका स्थानमा सांस्कृतिक सभा, कोणसभा र जनभेटघाट सम्पन्न भएका छन् ।
सिमरामा आयोजित सांस्कृतिक सभामा युवक संघका केन्द्रीय सदस्य एवं प्रदेश २ का इन्चार्ज रामबाबु साहले सञ्चालन गर्नुभएको सभामा उपाध्यक्ष मुकुन्द रोकाय महासचिव कृष्ण पाण्डे र राजमो नेता कर्ण थापाले सम्बेधन गर्नुभएको थियो ।
यस्तै, गौरमा आयोजित सभाको सञ्चालन रामबाबु साह तथा सम्बोधन मुकुन्द रोकाय र राजमो रौतहट जिल्ला अध्यक्ष एवं तराई मधेश जनवादी मोर्चाका केन्द्रीय सदस्य हरिकिसोर महतोले सम्बोधन गर्नुभयो ।
यता, रौतहटको चन्द्रपुर, १ पौराहिमा आयोजित कोणसभामा युवक संघका सचिव भक्त बिक र राजमो रौतहटका सचिव दिप गोलेले सम्बोधन गर्नुभएको थियो । कोणसभाको सञ्चालन संगठनका प्युठान जिल्ला सदस्य लिमान जिसिले गर्नुभएको थियो ।
आइतबार सर्लाको लालबन्दीमा पनि कोणसभा सम्पन्न भएको छ । कार्यक्रम लाई युवक संघका उपाध्यक्ष लक्ष्मण पुन र केन्द्रीय सदस्य हरिनाथ योगीले सम्बोधन गर्नुभएको थियो भने सञ्चालन युवा नेता सुरेन्द्र रेग्मीले गर्नुभएको थियो ।
यो पनि पढ्नुहोस्ः
बागमती प्रदेशको राजधानीमा युवा अभियन्तालाई नगर परिक्रमा
चितवन पुग्यो खबरदारी अभियान, स्थानीय जनप्रतिनिधिको पनि साथ
युवक संघको अभियानले नयाँ पिंढीलाई पार्टीमा आकर्षित गर्छः महामन्त्री सिंह
नेपालमा समृद्धीको बाधक भ्रष्टाचार: अध्यक्ष घिमिरे
युवक संघकाे खबरदारी अभियानलाई मसालकाे अभिनन्दन
युवक संघको खबरदारी अभियानः भ्रष्टाचारीको काम्दैछ मुटु
खबरदारी अभियानः जनतालाई प्रत्यक्ष छोएको ‘भ्रष्टाचार र नागरिकता’
कपिलवस्तु पुग्यो खबरदारी अभियान, बौद्धिक वर्गको ध्यान खिच्न सफल
युवक संघको खबरदारी अभियानलाई ठाउँ-ठाउँमा भब्य स्वागत
मनोज भट्टको प्रश्नः कालापानी नक्सामा समेटेर भारतले युद्धको घोषणा गरेको हो?
युवक संघको ‘मेची-महाकाली खबरदारी अभियान’ बुधबार सुरु हुँदै
‘मेची-महाकाली खवरदारी अभियान’ को रुट सार्वजनिक
