हेटौँडा । भ्रष्टाचार र नागरिकता संशोधन विधेयक विरुद्ध अखिल नेपाल युवक संघले सञ्चालन गरेको मेची महाकाली खबरदार अभियानलाई हेटौँडामा भब्य स्वागत गरिएको छ । शुक्रबार बागमती प्रदेशको राजधानी हेटौँडा पुगेको अभियानका युवा अभियन्ताहरुलाई स्थानीयले खादा आढाएर स्वागत गर्नुका साथै नगर परिक्रमा गराएका छन् ।
अभियान टोलीका सदस्यहरुलाई सहिद स्मारक गेटमा स्वागत गरेर बजार परिक्रमा गराइएको हो । स्वागत समारोहमा नेकपा (मसाल) मकवानपुरका प्रवक्ता रामहरि धिताल, राष्ट्रिय जनमोर्चा जिल्ला समितिका पदाधिकारी र युवक संघका नेताकार्यकर्ता लगायत स्थानीयको उपस्थिति रहेको थियो ।
यसैगरी शुक्रबार नै सिमरामा सांस्कृतिक सभा सम्पन्न भएको छ । कार्यक्रमलाई युवक संघका महासचिव कृष्ण पाण्डे, राजमो नेताहरु रामबाबु शाह र कर्ण थापाले सम्बोधन गर्नुभएको थियो । कार्यक्रमको सञ्चालन युवक संघका उपाध्यक्ष मुकुन्द रोकाले गर्नुभएको थियो ।
यसअघि बिहीबार चितवनको पुल्चोकमा आयोजित सभालाई राजमोका जिल्ला अध्यक्ष डम्बर पुरीले सम्बोधन गर्नुभएको थियो । त्यस अवसरमा उहाँले आन्दोलनले देशको अवस्था परिवर्तन हुने विश्वासका साथ अघि बढ्न युवा नेताहरुलाई आह्वान गर्नुभयो । कार्यक्रममा नेकपा (मसाल) का जिल्ला प्रवक्ता मेगराज ढकाल र युवक संघका पूर्व अध्यक्ष तिलक थापाले पनि सम्बोधन गर्नुभएको थियो । कार्यक्रमको सञ्चालन युवक संघका नेता नरहरि पुरीले गर्नुभएको थियो ।
यसैगरी टाँडिमा आयोजित सभालाई राजमो केन्द्रीय सदस्य डम्बर पुरी र युवक संघका सचिव भक्त विकले सम्बोधन गर्नुभएको थियो । कार्यक्रमलाई स्थानीय नेता बिष्णु ढुंगानाले स्वागत गर्नुभएको थियो ।
माघ १५ गते महेनद्रनगरबाट अघि बढेको खबरदारी अभियान २९ गते काँकडभिट्टा पुग्नेछ ।
यो पनि पढ्नुहोस्ः
चितवन पुग्यो खबरदारी अभियान, स्थानीय जनप्रतिनिधिको पनि साथ
युवक संघको अभियानले नयाँ पिंढीलाई पार्टीमा आकर्षित गर्छः महामन्त्री सिंह
नेपालमा समृद्धीको बाधक भ्रष्टाचार: अध्यक्ष घिमिरे
युवक संघकाे खबरदारी अभियानलाई मसालकाे अभिनन्दन
युवक संघको खबरदारी अभियानः भ्रष्टाचारीको काम्दैछ मुटु
खबरदारी अभियानः जनतालाई प्रत्यक्ष छोएको ‘भ्रष्टाचार र नागरिकता’
कपिलवस्तु पुग्यो खबरदारी अभियान, बौद्धिक वर्गको ध्यान खिच्न सफल
युवक संघको खबरदारी अभियानलाई ठाउँ-ठाउँमा भब्य स्वागत
मनोज भट्टको प्रश्नः कालापानी नक्सामा समेटेर भारतले युद्धको घोषणा गरेको हो?
युवक संघको ‘मेची-महाकाली खबरदारी अभियान’ बुधबार सुरु हुँदै
‘मेची-महाकाली खवरदारी अभियान’ को रुट सार्वजनिक
