प्रशान्त थापा, दाङ । अखिल नेपाल युव संघले सञ्चालन गरेको भ्रष्टाचार र नागरिकता संशोधन विधेयक विरुद्धको खबरदारी अभियानलाई ठाउँ ठाउँमा भब्य स्वागत गरिएको छ । माघ १५ गते महेन्द्रनगरबाट सुरु भएको मोटरसाइकल -याली आज (शुक्रबार) दाङ पुगेको छ ।
दाङको बबईमा राष्ट्रिय जनमोर्चा र अखिल नेपाल युवक संघ दाङ जिल्ला समितिसहित स्थानीयले अभियन्ताहरुलाई स्वागत गरेका छन् । कार्यक्रममा संघका पूर्व अध्यक्ष काशिनाथ पोखरेलले अध्यक्ष अनिलकिशोर घिमिरेलाई राष्ट्रिय झण्डा हस्तान्तरण गर्नुभयो । स्थानीयले टोलीका सदस्यलाई खादा, माला तथा अबिर लगाएर स्वागत गरेका छन् ।
स्वागत समारोहमा नेकपा (मसाल) दाङ जिल्लाका प्रवक्ता भरत भण्डारी, राजमो नेता शुक्र भण्डारी, युवक संघका पूर्व केन्द्रीय सदस्य शसिराम बुढाथोकीलगायत नेता कार्यकर्ताहरुको सहभागिता रहेको छ ।
यसअघि अभियान टोलीले कैलालीको अत्तरिया, लम्की, बर्दियाको बाँसगढी, बाँकेको कोहलपुर र नेपालगञ्जलगायत स्थानमा कोणसभा तथा सांस्कृतिक सभा, जनभेटघाट लगायतका कार्यक्रम सम्पन्न गरेको थियो ।
अत्तरियामा आयोजित कोणसभालाई राजमोका केन्द्रीय सदस्य एवं सुदूरपश्चिम प्रदेश अध्यक्ष नन्दराज भट्ट र युवक संघका सचिव प्रशान्त थापाले सम्बोधन गर्नुभएको थियो भने सञ्चालन संघका उपाध्यक्ष चित्र एमसीले गर्नुभएको थियो । यस्तै, कैलालीको लम्कीमा आयोजित कार्यक्रममा नेकपा (मसाल) कैलालीका प्रवक्ता मिलन शाहीले सम्बोधन गर्नुभएको थियो । कार्यक्रमको सञ्चालन संघका कोषाध्यक्ष भिमसेन वनले गर्नुभएको थियो ।
बर्दियाको बाँसगढीमा आयोजित सभालाई अध्यक्ष अनिलकिशोर घिमिर र राजमो बर्दियाका सचिव लोक रानाले सम्बोधन गर्नुभएको थियो भने सञ्चालन प्रशान्त थापाले गर्नुभएको थियो ।
यता, कोहलपुरमा सांस्कृतिक कार्यक्रमसहित सभा सम्पन्न भएको थियो । युवक संघका उपाध्यक्ष मुकुन्द रोक्काले सञ्चालन गरेको सभामा राजमोका पूर्व महासचिव एवं पूर्व सांसद हरि आचार्यले सम्बोधन गर्नुभएको थियो । सभामा अध्यक्ष अनिलकिशोर घिमिरे, राजमो कर्णाली प्रदेश अध्यक्ष भरत शाही र रक्तिम सांस्कृतिक अभियानका उपाध्यक्ष मानबहादुर भन्डारीले सम्बोधन गर्नुभएको थियो ।
कोहलपुरमा कर्णाली प्रदेशको तर्फबाट राजमो कर्णालीका अध्यक्ष भरत शाहीले दोसल्ला उढायर स्वागत गर्नुभएको थियो । यसअघि बाँसगढीमा राजमो बर्दिया र युवक संघले संयुक्त रुपमा अभियान टोलीलाई स्वागत गरेका थिए ।
यता नेपालगञ्जको पुष्पलाल चोकमा सम्पन्न सभालाई अखिल नेपाल सुकुम्बासी संघका अध्यक्ष तुल्सीलाल सापकोटा र युवक संघका उपाध्यक्ष चित्र एमसीले सम्बोधन गर्नुभएको थियो भने सञ्चालन हरि बुढाले गर्नुभएको थियो । अभियानका क्रममा राजमो केन्द्रीय सदस्य मनोज भट्ट पनि सँगै रहेर अभिभावकत्व प्रदान गर्नुभएको छ ।
कार्यक्रमलाई विभिन्न व्यत्ति तथा समूहबाट सहयोग प्रदान गर्नुका साथै ठाउँ–ठाउँमा भब्य स्वागत गरिएको छ । कहासचिव कृष्ण पाण्डेका अनुसार अभियान टोलीलाई सूदूरपश्चिमका व्यवसायीहरुले कम्बल प्रदान गरेका छन् भने राजमो कर्णाली प्रदेशले आर्थिक सहयोग गरेको छ । यस्तै, अखिल नेपाल उद्योग व्यापार संघका केन्द्रीय सदस्य परशुराम लामिछानेले माइक हस्तान्तरण गर्नुभएको छ । विभिन्न ठाउँमा सर्वसाधारणले स्वतःस्फुर्त रुपमा सहयोग गरिरहेका छन् ।
अभियान अन्तर्गत आज दाङको बबई, घोराही र तुल्सीपुरमा सभाको आयोजना गरिँदैछ । शनिबार बिहान घोराहीमा पत्रकार सम्मेलन गरी अभियान अघि बढ्नेछ । यसवक संघले भ्रष्टाचार र नागरिकता विधेयक विरुद्ध सुरु गरेको मोटरसाइकल -याली तराईका विभिन्न जिल्ला हुँदै २९ गते काँकडभिट्टा पुग्नेछ ।
यो पनि पढ्नुहोस्ः
मनोज भट्टको प्रश्नः कालापानी नक्सामा समेटेर भारतले युद्धको घोषणा गरेको हो?
युवक संघको ‘मेची-महाकाली खबरदारी अभियान’ बुधबार सुरु हुँदै
‘मेची-महाकाली खवरदारी अभियान’ को रुट सार्वजनिक
