टेकराज भुसाल, बुटवल। अखिल नेपाल युवक संघले सञ्चालन गरेको ‘भ्रष्टाचार र नागरिकता संशोधन विधेयक विरुद्धको मेची-महाकाली खबरदारी अभियान’ ले रुपन्देहीका बिभिन्न स्थानमा कार्यक्रम गरेकाे छ । मंगलबार रुपन्देही आइपुगेकाे अभियानले यहाँको मुर्गिया, नयाँगाउ, बेल्वास, बुटवलको राजमार्ग चाैराह र ट्राफिक चाेकमा कोणसभासहित विराेध कार्यक्रम सम्पन्न गरेकाे छ ।
काेण सभालाई सम्बाेधन गर्दै अखिल नेपाल युवक संघका अध्यक्ष अनिलकिशाेर घिमिरेले नेपालमा समृद्धीको बाधक भ्रष्टाचार भएको बताउनुभयाे । दुई तिहाईको सरकारले समृद्धीको वकालत गरे पनि मुठ्ठी भरका कार्यकर्ता र आफन्तलाई मात्रै समृद्धि आएकाे अध्यक्ष घिमिरेले बताउनुभयाे । सरकारी कार्यालयहरु अदालत, मालपोत नगरपालिकालगायत वडा कार्यालयहरुमा भ्रष्टाचार बढ्दै गएकाे उहाँकाे भनाई थियाे ।
काेण सभालाई प्रदेश नं ५ का सांसद तारा जिसी, युवक संघका महासचिव कृष्णराज पाण्डे, सचिj भक्त बिक, काेषाध्यक्ष भिमसेन वन, राष्ट्रिय जनमाेर्चा रुपन्देही जिल्ला अध्यक्ष बद्रे आलम, राजमाे प्रदेश ५ का काेषाध्यक्ष गणेश गाैतम, राजमाे रुपन्देहीका सह-सचिव रुक बहादुर पराजुली, नेकपा (मसाल) रुपन्देही जिल्ला प्रवक्ता नारायण जिसीले सम्बोधन गर्नुभएको थियाे ।
सभामा रक्तिम सांस्कृतिक अभियानका कलाकारहरुले जनवादी गित तथा नृत्य प्रस्तुत गरेका थिए। कोणसभाको सञ्चालन केन्द्रीय सदस्य बरुणध्वज मल्ल र डम्बर खड्काले गर्नुभएको थियाे।
खबरदारी अभियान अन्तर्गत भाेलि बुटवलमा सांस्कृतिक कार्यक्रमसहत खबरदारी सभा हुनेछ । माघ १५ गते महेन्द्रनगरदेखि सुरु भएकाे खबरदारी अभियान माघ २९ गते झापामा पुगि समापन हुने युवक संघले जानकारी दिएकाे छ।
यो पनि पढ्नुहोस्ः
युवक संघकाे खबरदारी अभियानलाई मसालकाे अभिनन्दन
युवक संघको खबरदारी अभियानः भ्रष्टाचारीको काम्दैछ मुटु
खबरदारी अभियानः जनतालाई प्रत्यक्ष छोएको ‘भ्रष्टाचार र नागरिकता’
कपिलवस्तु पुग्यो खबरदारी अभियान, बौद्धिक वर्गको ध्यान खिच्न सफल
युवक संघको खबरदारी अभियानलाई ठाउँ-ठाउँमा भब्य स्वागत
मनोज भट्टको प्रश्नः कालापानी नक्सामा समेटेर भारतले युद्धको घोषणा गरेको हो?
युवक संघको ‘मेची-महाकाली खबरदारी अभियान’ बुधबार सुरु हुँदै
‘मेची-महाकाली खवरदारी अभियान’ को रुट सार्वजनिक
