पर्सा । राष्ट्रिय जनमोर्चाले सञ्चालन गरिरहेको ‘अमेरिकी साम्राज्यवादविरुद्ध मेची–महाकाली अभियान’ को पूर्वी टोलीले आज पर्सामा विरोध सभा गरेको छ ।
पर्साको बढनिहारमा आयोजित सभामा राजमो केन्द्रीय सचिव हिमलाल पुरी र युगदर्शनका व्यवस्थापक हरिकान्त शर्माले सम्बोधन गर्नुभएको थियो भने सञ्चालन नेत्रप्रसाद पौडेलले गर्नुभएको थियो ।
कार्यक्रममा बोल्दै सचिव पुरीले अमेरिकी साम्राज्यवादले आफ्नो चीन घेर्ने हिन्दप्रसान्त रणनीति लागू गर्न नेपाललाई महत्त्व दिएर हस्तक्षेप बढाउँदै लगेको बताउनुभयो ।
नेता पुरीले कथित रास्वपामार्फत अमेरिकी साम्राज्यवादले नेपालको सरकार र संसद्मा नियन्त्रण गर्न चाहेको बताउनुभयो ।
उहाँले अमेरिकाको यस्तो नयाँ भूमिकाले गर्दा नेपाल चीन विरुद्धको युद्धमैदान बन्ने भएकाले यस विषयमा आम जनतासमेतको ध्यान जानुपर्ने बताउनुभयो ।
राजमोले अमेरिकी साम्राज्यवादी हस्तक्षेपविरुद्ध यही जेठ १ गते कञ्चनपुर र बागलुङबाट मेची महाकाली अभियान सुरु गरेको हो । अभियान अन्तर्गत विभिन्न जिल्लामा विरोध सभा, सांस्कृतिक कार्यक्रम, पर्चा वितरण, पत्रकार भेटघाट लगायतका कार्यक्रम गरिरहेको छ । अभियानको समापन जेठ १५ गते बुटवल र काठमाडौंमा हुनेछ ।
राजमो नेतालाई पत्रकारको प्रश्न : भारतीय हस्तक्षेप छोडेर अमेरिकाको विरोध किन गर्नुभएको ?
- ‘नेपाललाई हिन्दुराष्ट्र बनाउन भाजपाले लगानी गरेको कुरा विदेशीले समेत भन्न थाले’
- अमेरिकी साम्राज्यवाद नेपालमा आफ्नै पार्टी बनाएर हस्तक्षेपमा उत्रियो : पुरी
- साम्राज्यवादविरुद्ध ‘मेची-महाकाली अभियान’को टोली बारा र बर्दियामा
- जब देशलाई अप्ठेरो पर्छ, राजमो जनताको बीचमा आउँछ : मनोज भट्ट
- अमेरिकी साम्राज्यवाद आतङ्कवादको मसिहा : अधिकारी
- राष्ट्रिय जनमोर्चाका महासचिव मनोज भट्ट गाडी दुर्घटनामा घाइते
- चीनलाई घेर्न अमेरिकाले नेपालमा घुसपैठ बढायो : महासचिव भट्ट
- गणतन्त्रको विकल्प प्रतिगमन होइन : अधिकारी
- साम्राज्यवादविरुद्ध राजमोको मेची महाकाली अभियानका दुई टोली धनगढी र पोखरामा
- मेची–महाकाली अभियानको बागलुङ बजारमा उद्घाटन
- अमेरिकी साम्राज्यवादविरुद्ध राजमोको मेची-महाकाली अभियान महेन्द्रनगरबाट सुरु
