कपिलवस्तु । राष्ट्रिय जनमोर्चाले समानुपातिक निर्वाचनतर्फ पार्टीलाई मत माग्न सञ्चालन गरिरहेको समानुपातिक अभियान बुधबार कपिलवस्तु पुगेको छ ।
कात्तिक १७ गते बुटवलबाट सुरु भएको अभियानको टोली विभिन्न जिल्लामा कार्यक्रम गर्दै कञ्चनपुर पुगेर फर्किएको हो ।
यसैक्रममा राजमोको समानुपातिक अभियानको कार्यक्रम आज चन्द्रौटामा सम्पन्न भएको छ ।
चुनावी सभालाई सम्बोधन गर्दै कार्यकारी अध्यक्ष रश्मीराज नेपालीले मंसिर ४ गते हुने प्रदेश र प्रतिनिधि सभाको निर्वाचन उद्देश्य चुनाव जित्ने मात्र नभएर देशको संविधान, गणतन्त्र रहन्छ की रहँदैन प्रमुख मुद्दा भएको बताउनुभयो ।
साथै उहाँले राष्ट्रिय जनमोर्चा मात्र राष्ट्रवादी पार्टी भएको ठोकुवा गर्दै संघीयता र एमसीसी खारेज गर्ने अभियान चुनाव पछि पनि जारी रहने बताउनु भयो ।
त्यस्तै, राजमोका केन्द्रीय उपाध्यक्ष तथा प्रतिनिधि सभा समानुपातिक उम्मेदवार जनक राज शर्माले यसपटक नेपाली जनताले समानुपातिकमा गिलास चिह्नमा मतदान गरी राष्ट्रिय जनमोर्चालाई बलियो बनाउनु पर्ने बताउनु भयो । उहाँले विगतको राष्ट्रिय जनमोर्चाको राष्ट्रवादी आन्दोलन, अन्याय, आत्यचर, भष्ट्राचार, महँगीलगायत हत्या हिंसाविरुद्ध संघर्षमा राष्ट्रिय जनमोर्चा अग्रपंक्तिमा रहेको उल्लेख गर्दै यसपटक समानुपातिकमा राष्ट्रिय जनमोर्चालाई रोज्न र गिलास चिह्नमा मतदान गर्न आग्रह गर्नु भयो ।
कार्यक्रममा राजमोका केन्द्रीय सदस्य तथा प्रदेश नम्बर ५ बाट समानुपातिक उम्मेदवार तारा थापा क्षेत्रीले पनि सम्बोधन गर्नु भएको थियो ।
कार्यक्रममा अखिल नेपाल किसान महासंघका अध्यक्ष भैरव राज रेग्मी, अखिल नेपाल किसान महासंघका केन्द्रीय उपाध्यक्ष शिव पौडेल, राजमो प्रदेश सदस्य मिना पोख्रेलको आतिथ्यता रहेको थियो ।
राजमो जिल्ला अध्यक्ष दधिराम आचार्यको अध्यक्षता भएको कार्यक्रमको सञ्चालन अखिल नेपाल ट्रेड युनियन महासंघ अन्टुकका केन्द्रीय सदस्य केरसिंह अदैले र स्वागत अखिल नेपाल किसान महासंघका केन्द्रीय सदस्य तथा राष्ट्रिय जनमोर्चाको तर्फबाट प्रदेश नं ५ बाट समानुपातिक उम्मेदवार कर्मराज चौधरीले गर्नु भएको थियो । प्रचार प्रसार अभियानले भोलि पाल्पामा सभा गर्ने जानकारी दिएको छ ।
प्रतिगमन परास्त गर्न गठबन्धनलाई, राष्ट्रियताको पक्षमा राजमोलाई भोट : नेपाली
राजमो समानुपातिक टोलीद्वारा सुर्खेतको मेहलकुना र बोटेचौरमा कार्यक्रम
जनआन्दोलनका उपलब्धिको रक्षाका लागि राजमोको विजय आवश्यक : नेपाली
कञ्चनपुर कलकत्ता बजारमा राजमोको सभा
कैलालीको अत्तरियामा राजमोको कोणसभा
राष्ट्रिय जनमोर्चाको समानुपातिक उम्मेदवार प्रचार टोलीद्वारा बर्दिया र कैलालीमा सभा
राजमोको समानुपातिक अभियान बाँकेमा, कोहलपुरमा सभा
राजमोको समानुपातिक अभियान कपिलवस्तुमा, राष्ट्र जोगाउन गिलासमा भोट : नेपाली
यसरी सुरु हुँदैछ राष्ट्रिय जनमोर्चाको ‘समानुपातिक अभियान’
राष्ट्रिय जनमोर्चाको समानुपातिक निर्वाचन अभियान आजदेखि
