कपिलवस्तु । राष्ट्रिय जनमोर्चाले सञ्चालन गरेको ‘समानुपातिक अभियान’ अन्तरगत बिहीबार कपिलवस्तुमा सभा सम्पन्न भएको छ। कपिलवस्तुको ४ नम्बर जितपुरमा प्रचार प्रसार समितिले सभा सम्पन्न गरेको हो।
कार्यक्रममा प्रतिनिधि सभा समानुपातिक उम्मेदवार एवम् राजमोका कार्यकारी अध्यक्ष रश्मीराज नेपालीले राष्ट्र जोगाउन राजमोलाई भोट दिन आग्रह गर्नुभयो । संघीयताको खारेजी, संविधान र गणतन्त्रको रक्षा गर्न राष्ट्रिय जनमोर्चाको उमेदवारहरुलाई गिलास चिह्नमा मतदान गरी विजयी बनाउन अध्यक्ष नेपालीले अपील गर्नुभयो । उहाँले नेपाली जनता सचेत नभए देश प्रतिगमनतर्फ जाने बताउनु भयो ।
प्रदेश सभा समानुपातिक उम्मेदवार तथा राजमोका केन्द्रीय सदस्य तारा थापा क्षेत्रीले जनताले यो चुनावमा सही राष्ट्रवादी पार्टी चुन्ने अवसर आएकोले कुनै जालझेलमा नफसी राष्ट्रिय जनमोर्चालाई मजबुद बनाउन गिलास चिह्नमा मतदान गर्न आग्रह गर्नुभयो । उहाँले राष्ट्रिय जनमोर्चा संघीयता, एमसीसी, भ्रष्टाचार विरुद्ध संघर्ष गर्दै आएको स्मरण गर्नुभयो ।
सीमित उपलब्धिहरु गणतन्त्र, धर्म निरपेक्षता, संविधानमाथि प्रतिगमनकारी शक्तिहरूले चलखेल गरिरहेको हुँदा पाँचदलीय गठबन्धन गर्नुपरेको जिकीर गर्दै गठबन्धनका साझा उमेदवारहरुलाई जिताउन पील गर्नु भयो ।
कार्यक्रममा रक्तिम सांस्कृतिक अभियानका केन्द्रीय अध्यक्ष तथा प्रतिनिधि सभा समानुपातिक उम्मेदवार गिरी प्रसाद बुढा, रक्तिमका महासचिव जीवन शाही, राजमोका जिल्ला अध्यक्ष तथा समानुपातिक उम्मेदवार दधिराम आचार्य, जिल्ला उपाध्यक्ष राम प्रसाद बेल्बासे, अखिल नेपाल ट्रेड युनियन महासंघ (अन्टुक) का केन्द्रीय सदस्य केरसिङ अदैले मन्तव्य राख्नुभएको थियो।
यस्तै, अखिल नेपाल किसान महासंघका केन्द्रीय अध्यक्ष भैरव राज रेग्मीको पनि आतिथ्यता रहेको थियो ।
कार्यक्रमको अध्यक्षता डबल सिंह जिसीले, स्वागत मुक्तिराम न्यौपा र सञ्चालन शसि सापकोटाले गर्नु भएको थियो ।
राष्ट्रिय जनमोर्चाले ‘गणतन्त्र, राष्ट्रियता र धर्म निरपेक्षताको रक्षा गरौं, संघीयता खारेज गरौं’ भन्ने मूल नारासहित बुटवलबाट बिहीबार अभियानको सुरुवात गरेको हो । अभियान अन्तर्गत १८ गते दाङको भालुवाङ र सोही दिन कोहलपुरमा कार्यक्रम हुनेछ ।
