नेपालगञ्ज । राष्ट्रिय जनमोर्चाले सञ्चालन गरेको ‘अमेरिकी साम्राज्यवादविरुद्ध मेची–महाकाली’ अभियानको पश्चिमी टोलीले आज (शुक्रबार) बर्दियाको गुलरिया र बाँकेको खजुरामा विरोध सभा गरेको छ ।
बर्दियाको गुलरियामा आयोजित सभा कार्यक्रममा राजमो लुम्बिनी प्रदेश सदस्य तथा बर्दिया जिल्ला सचिव लोकबहादुर राना र अखिल नेपाल युवक संघका अध्यक्ष कृष्णराज पाण्डेले सम्बोधन गर्नुभएको थियो । कार्यक्रमको सञ्चालन राजमो बर्दिया जिल्ला सदस्य नुमलाल रेग्मीले गर्नुभएको थियो ।
यस्तै, बाँकेको खजुरामा आयोजित सभाको सञ्चालन कृष्णराज पाण्डेले गर्नुभएको थियो । कार्यक्रमलाई राजमो महासचिव मनोज भट्ट र केन्द्रीय सल्लाहकार मोमिना खातुनले सम्बोधन गर्नुभएको थियो ।
कार्यक्रमलाई सम्बोधन गर्दै महासचिव भट्टले नेपालको लोकतान्त्रिक गणतन्त्रविरुद्ध राजावादी र भारतीय साम्राज्यादीहरुले षडयन्त्र गरिरहेको बताउनुभयो ।
उहाँले नेपालमा हिन्दुराज्यको कुरा गर्नेहरुलाई भाजपाले पैसा दिने गरेको अमेरिकी रिपोर्ट उल्लेख गर्दै आफूहरुले औँल्याएको प्रतिगमनको खतरा थप पुष्टि भएको बताउनुभयो ।
फरक प्रशंगमा उहाँले अमेरिकी साम्राज्यादले नेपालमा पार्टी नै खोलेर नेपाललाई चीनविरोधी क्याम्पमा जवर्जस्त धकेल्न खोजेको आरोप पनि लगाउनुभयो ।
महासचिव भट्टले अमेरिकी साम्राज्यवादले पहिले भारतबाट नेपालमा आफ्नो हस्तक्षेप गर्ने गरेको उल्लेख गर्दै अहिले सिधै हस्तक्षेप बढाएको दाबी गर्नुभयो ।
कार्यक्रममा अखिल नेपाल किसान महासंघ (अप्फा) का महासचिव तुल्सीराम सापकोटा र राजमो जिल्ला उपाध्यक्ष जगदीश ढकाल लगायत नेताहरुको उपस्थिति रहेको थियो ।
- अमेरिकी साम्राज्यवाद नेपालमा आफ्नै पार्टी बनाएर हस्तक्षेपमा उत्रियो : पुरी
- साम्राज्यवादविरुद्ध ‘मेची-महाकाली अभियान’को टोली बारा र बर्दियामा
- जब देशलाई अप्ठेरो पर्छ, राजमो जनताको बीचमा आउँछ : मनोज भट्ट
- अमेरिकी साम्राज्यवाद आतङ्कवादको मसिहा : अधिकारी
- राष्ट्रिय जनमोर्चाका महासचिव मनोज भट्ट गाडी दुर्घटनामा घाइते
- चीनलाई घेर्न अमेरिकाले नेपालमा घुसपैठ बढायो : महासचिव भट्ट
- गणतन्त्रको विकल्प प्रतिगमन होइन : अधिकारी
- साम्राज्यवादविरुद्ध राजमोको मेची महाकाली अभियानका दुई टोली धनगढी र पोखरामा
- मेची–महाकाली अभियानको बागलुङ बजारमा उद्घाटन
- अमेरिकी साम्राज्यवादविरुद्ध राजमोको मेची-महाकाली अभियान महेन्द्रनगरबाट सुरु
