बुटवल । राष्ट्रिय जनमोर्चाबाट निर्वाचित स्थानीय जनप्रतिनिधिको प्रशिक्षण समापन भएको छ । शुक्रबारदेखि बुटवलमा जारी प्रशिक्षण आज (आइतबार) समापन भएको हो ।
समापन कार्यक्रमलाई सम्बोधन गर्दै राष्ट्रिय जनमोर्चाका अध्यक्ष चित्रबहादुर केसीले देशको अवस्था अत्यत्त जटिल परिस्थिमा पुगेको बताउनुभयो । उहाँले अप्ठ्यारो अवस्थासँग जुध्न पार्टी कार्यकतासहित जनप्रतिनिधिहरु तयार हुनुपर्ने बताउनुभयो ।
‘देशमा समस्या झन् बल्झिएको छ । जहाँ समस्या हुन्छ त्यहाँ उपाय पनि हुन्छ’ केसीले भन्नुभयो, ‘पार्टी र क्रान्तिका लागि सबै भन्दा महत्वपूर्ण विषय अनुशासन हो । हामीले अनुशासनमा रहेर काम गर्नुपर्छ । जुन बेला देशमा अप्ठ्यारो परिस्थिति आउँछ, त्यतिबेला पार्टी क्रान्तिमा पनि अप्ठ्यारो स्थिति आउने गरेको छ ।’
समापन समारोहको सञ्चालन महासचिव मनोज भट्टले गर्नुभएको थियो भने अध्यक्षता कार्यकारी अध्यक्ष रश्मीराज नेपालीले गर्नुभएको थियो ।
स्वयमसेवको तर्फबाट अखिल नेपाल जनजाती सम्मेलनका सचिव उषा पुनले सम्बोधन गर्नुभएको थियो ।
प्रशिक्षण कार्यक्रममा राजमोबाट निर्वाचित नगर प्रमुख, उपप्रमुख, गाउँपाकिका अध्यक्ष, उपाध्यक्ष, वडाअध्यक्ष एवम् कार्यपालिका सदस्यहरुको सहभागिता रहेको थियो ।
- राष्ट्रिय जनमोर्चाका जनप्रतिनिधिको प्रशिक्षण बुटवलमा सुरु
- राजमो जनप्रतिनिधिलाई तारा जिसीको ढाडस : थोरै छौँ भनेर नआत्तिनूहोला
- देश अहिले अँध्यारो कालो सुरुङतिर धकेलियो : केसी
- राजमो जनप्रतिनिधिलाई तारा जिसीको ढाडस : थोरै छौँ भनेर नआत्तिनूहोला
- अरु पार्टी र राष्ट्रिय जनमोर्चाका जनप्रतिनिधिबीच फरक देखिनुपर्छ
- राजमो जनप्रतिनिधिको प्रतिवद्धता : अन्य पार्टीभन्दा फरक गरेर देखाउँछौँ
