बुटवल । राष्ट्रिय जनमोर्चाबाट निर्वाचित स्थानीय जनप्रतिनिधिको प्रशिक्षण सुरु भएको छ ।
बुटवलमा सुरु भएको प्रशिक्षणको शुक्रबार राष्ट्रिय जनमोर्चाका अध्यक्ष चित्रबहादुर केसीले उद्घाटन गर्नुभएको छ ।
प्रशिक्षण कार्यक्रममा विभिन्न जिल्लाबाट निर्वाचित स्थानीय जनप्रतिनिधिहरु सामेल छन् । प्रशिक्षण तीन दिनसम्म सञ्चालन हुने छ ।
बुटवलमा आयोजित प्रशिक्षण उद्घाटन कार्यक्रमको सञ्चालन राजमो महासचिव मनोज भट्ट र स्वागत सचिव हिमलाल पुरी तथा अध्यक्षता राष्ट्रिय जनमोर्चा रुपन्देही जिल्ला अध्यक्ष एवम् केन्द्रीय सल्लाहाकार बद्रे आलमले गर्नुभएको छ ।
कार्यक्रममा राजमो केन्द्रीय सल्लाहकार तथा बागलुङ जिल्ला अध्यक्ष एवम् जिल्ला समन्वय समिति बागलुङका प्रमुख अमर थापा, केन्द्रीय सदस्य एवम् प्युठान जिल्ला अध्यक्ष तथा मल्लरानी गाउँपालिका प्युठानका अध्यक्ष कृष्ण खड्का, राजमो केन्द्रीय कोषाध्यक्ष मधु क्षेत्री, केन्द्रीय सदस्य तथा अर्घाखाँची भूमिकास्थान नगर प्रमुख झबिलाल थापा, केन्द्रीय सदस्य नारायण जिसी, केन्द्रीय सदस्य सोम कार्की, लुम्बिनी प्रदेश सभा सदस्य तारा जिसी, बाग्लुङको जैमुनी नगर प्रमुख नरबहादुर पुनले शुभकामना दिनुभयो ।
कार्यक्रममा प्युठानको स्वर्गद्वारी नगर उपप्रमुख मिनराज राना, प्युठानकै ऐरावती गाउँपालिकाका उपाध्यक्ष कृष्णप्रसाद श्रेष्ठ, बागलुङ काठेखोला गाउँपालिकाका उपाध्यक्ष तिलक थापा, बरेङ गाउँपालिकाका अध्यक्ष कृष्ण पौडेल, बाग्लुङ बडिगाड गाउँपालिकाका उपाध्यक्ष भिमसेन वनको पनि आतिथ्यता रहेको छ ।
प्रशिक्षण कार्यक्रममा राजमोबाट निर्वाचित नगर प्रमुख, उपप्रमुख, गाउँपाकिका अध्यक्ष, उपाध्यक्ष, वडाअध्यक्ष एवम् कार्यपालिका सदस्यहरुको सहभागिता रहेको छ ।
