बुटवल । राष्ट्रिय जनमोर्चाका स्थानीय जनप्रतिनिधिहरुले अन्य पार्टीभन्दा आफूहरुले फरक ढंगले स्थानीय तह सञ्चालन गर्ने प्रतिवद्धता व्यक्त गरेका छन् ।
शुक्रबारदेखि बुटवलमा सुरु भएको जनप्रतिनिधिहरुको प्रशिक्षण उद्घाटनका क्रममा बोल्ने जनप्रतिनिधिहरुले आफूहरुले अन्य पार्टीका जनप्रतिनिधिले भन्दा फरक र क्रान्तििकारी रुपान्तरणमा आधारित भएर प्रगतिशील काम गर्ने प्रतिवद्वता जनाउनुभएको हो ।
कार्यक्रममा बागलुङ जिल्ला समन्वय समितिका प्रमुख अमर थापा, अर्घाखाँचीको भूमिकास्थान नगरपालिकाका प्रमुख झविलाल थापा, प्यूठानको मल्लरानी गाउँपालिकाका अध्यक्ष कृष्ण खड्का, महिला जनप्रतिनिधि सीता आचार्यलगायतले बोल्दै स्थानीय तहहरुलाई जनमैत्री बनाउनु पर्नेमा जोड दिनुभएको थियो ।
कार्यक्रममा बोल्दै बागलुङ जिसस प्रमुख थापाले अन्य पार्टीले जस्तै काम गर्ने हो भने राष्ट्यि जनमोर्चाका जनप्रतिनिधिहरुको औचित्य नहुने बताउनुभयो । उहाँले विकास निर्माणले मात्रै नपुग्ने भन्दै जनतासित प्रत्यक्ष जोडिन आग्रह गर्नुभयो । उहाँले विचार र सिद्धान्तमा पार्टी अब्बल रहेको भन्दै जनप्रतिनिधिले विचारलाई व्यबहारमा परिणत गर्नुपर्ने बताउनुभयो ।
यस्तै, मल्लरानीका अध्यक्ष खड्का र भूमिकास्थानका प्रमुख थापाले पनि पार्टीको नीति निर्देशनलाई आधार मानेर अरु दलका प्रतिनिधि भन्दा फरक र उत्कृष्ट काम गर्ने प्रतिवद्धता जनाउनुभयो ।
कार्यक्रममा मन्तव्य राख्दै लुम्बिनी प्रदेश सभा सदस्या तारा जिसीले हामी थोरै छौँ भनेर नआत्तिन बरु जनतले वाहवाही गर्ने गरी काम गर्न सुझाव दिनुभयो ।
कार्यक्रममा राष्ट्रिय जनमोर्चाका सचिव हिमलाल पुरीले क्रान्तिकारी रुपान्तरणका लागि जनताको पक्षमा काम गर्न जनप्रतिनिधिहरुलाई आग्रह गर्नुभयो ।
यस्तै, अखिल ट्रेड युनियन महासंघ (अन्टुक)का अध्यक्ष लोकराज भुसालले संघीय प्रणाली असफल सिद्ध भैसकेको अवस्थामा स्थानीय तहहरुलाई अधिकारमुखी र पारदर्शीता बनाउन आवश्यक रहेको बताउनु भयो ।
राष्ट्रिय जनमोर्चा रुपन्देही अध्यक्ष बद्रे आलमको अध्यक्षता र महासचिव मनोज भट्टको सञ्चालनमा सम्पन्न कार्यक्रमको उद्घाटन अध्यक्ष चित्रबहादुर केसीले गर्नुभएको थियो ।
तीन दिनसम्म चल्ने प्रशिक्षण कार्यक्रममा पार्टी नेतृत्व, स्थानीय तह विज्ञहरुले प्रशिक्षण दिने कार्यक्रम रहेको छ । उक्त प्रशिक्षण कार्यक्रममा राष्ट्रिय जनमोर्चाको तर्फबाट निर्वाचित २ सय २२ जना जनप्रतिनिधिको सहभागिता रहेको छ ।
- देश अहिले अँध्यारो कालो सुरुङतिर धकेलियो : केसी
- राजमो जनप्रतिनिधिलाई तारा जिसीको ढाडस : थोरै छौँ भनेर नआत्तिनूहोला
- राष्ट्रिय जनमोर्चाका जनप्रतिनिधिको प्रशिक्षण बुटवलमा सुरु
- अरु पार्टी र राष्ट्रिय जनमोर्चाका जनप्रतिनिधिबीच फरक देखिनुपर्छ
