अमरबहादुर थापा

हाम्रो पार्टीको वैचारिक पाटो अत्यन्तै सुन्दर छ । यो हामीले मात्रै हैन देशका सबै जनता र सबै पार्टीहरूले महसुस गरेको कुरा हो । जनप्रतिनिधीहरूले त्यहीप्रकारको भूमिका र त्यहीप्रकारको विश्वास आम रुपमा गर्न सकेका छौँ जस्तो मलाई लाग्दैन । पार्टीको वैचारिक आलोकलाई जनप्रतिनिधिको हैसियतले आफ्नो भूमिकाहरूलाई कुशलतापूर्वक स्थापित गर्ने कुराहरूमा समस्या छन् ।

पार्टीले हामीलाई अत्यन्तै इमान्दार कर्तव्यको हिसावले नै त्यो प्रकारको भूमिका प्रदान गरेको छ । जनप्रतिनिधि जुन सुकै पार्टीबाट चुनिएर गएपनि त्यो जनप्रतिनिधि नै हुन् । जनप्रतिनिधिको अन्तर के हो हामीले नेपाल सरकारको कानूनको परिधिभित्रै रहेर काम गर्ने हो भने हाम्रो पार्टीको जनप्रतिनिधि भैरहनु पर्छ मलाई त्यस्तो लाग्दैन ।

हामीले जनप्रतिनिधिको भूमिका निर्वाह गर्ने सन्दर्भमा अरु पार्टीको तुलनामा छुट्टै प्रकारको प्रतिभा र आलोकमा हामीले आफूलाई तयार गर्नु पर्ने आवश्यकता छ । पार्टीको जुन प्रकारको उद्देश्य छ जनताको बिचमा छवि, जनप्रतिनिधिहरूले त्यही रुपमा सकिरहेको अवस्था होइन । पार्टीले त्यही दिशामा अगाडि बढाउने कुरामा लगातार कोसिस गरिरहेको छ।

त्यसैले हामीले कसरी छुट्टै आफूलाई प्रस्तुत गर्नुपर्दछ भन्ने कुरामा ध्यान केन्द्रित गर्नु पर्दछ । जनताको बिचमा जाँदा खेरि अरु जनप्रतिनिधि र हाम्रो त्यति अन्तरहरू देखिरहेका छैनौँ । हाम्रो बिचमा जे कुरा छ त्यो कुरालाई जनताको बिचमा लिएर आउनुपर्ने आवश्यकता छ । हामीसँग के छैन इमान्दारिता छ, नैतिकता छ, आदर्श छ र सिर्जनात्मक क्षमता छ ।
हामीले सञ्चालन गरेका पालिकाहरू, वडाहरूमा जनताहरू चिडिए भने आफ्नो भूमिका निर्वाह गर्न सकिरहेका छैनौँ भन्ने बुझ्नु पर्दछ । पार्टीले बढीभन्दा बढी काम गरोर जनताको जिवनस्तर माथि उठाउन प्रयत्न गरोस् र आमजनतलाई बढी भन्दा बढी गोलबन्ध गरोस् र अहिलेको भन्दा बढी जनमतहरूलाई आकर्षण गर्नु सकोस् त्यसकारण भोली आउने जनप्रतिनिधिहरूले थप इटा थप्न प्रयास गर्ने छन् ।

(२०७९ साउन १३ गतेदेखि बुटवलमा सुरु भएको राष्ट्रिय जनमोर्चाका जनप्रतिनिधिहरुको तीने दिने प्रशिक्षणका क्रममा राजमो बागलुङका अध्यक्ष एवम् जिल्ला समन्वय समितिका प्रमुख अमर थापाले दिएको मन्तव्यको अंश । राजमो अध्यक्ष चित्रबहादुर केसीले उद्घाटन गरेको प्रशिक्षणमा विभिन्न राजनीतिज्ञ र विज्ञबाट प्रशिक्षण दिने कार्यक्रम छ ।)

• देश अहिले अँध्यारो कालो सुरुङतिर धकेलियो : केसी
• राजमो जनप्रतिनिधिलाई तारा जिसीको ढाडस : थोरै छौँ भनेर नआत्तिनूहोला
• राष्ट्रिय जनमोर्चाका जनप्रतिनिधिको प्रशिक्षण बुटवलमा सुरु
• राजमो जनप्रतिनिधिको प्रतिवद्धता : अन्य पार्टीभन्दा फरक गरेर देखाउँछौँ