जगदीश ढकाल, नेपालगञ्ज ।
राष्ट्रिय जनमोर्चा बाँकेले साताव्यापी सञ्चालन गरेको विरोध कार्यक्रम अन्तरगत शुक्रबार राप्तिसोनारी गाउँपालिकाको बैजापुरमा विरोधसभा सम्पन्न गरेको छ। ‘प्रतिनिधि सभाको पुनर्स्थापना, संघीयताको खारेजी, भ्रष्टाचारको विरोध, राष्ट्रियता, धर्मनिरपेक्षता र गणतन्त्रको रक्षा’लगायतका विषयमा विरोधको कार्यक्रम समपन्न भएको हो ।
विरोध कार्यक्रममा अखिल नेपाल युवक संघका महासचिव कृष्णराज पाण्डेले सम्बोधन गर्दै ओली सरकारले गरेको संसद विघटन जस्तो अप्रजातान्त्रिक कदमको विरुद्ध संघर्ष गर्न र गणतन्त्रमाथिको खतराका विरुद्ध सबैले एकजुट भएर आन्दोलन गर्नुपर्ने आवश्यकता रहेको बताउनु भयो ।
त्यस्तै, सभामा राजमो बाँकेका उपाध्यक्ष जगदीश ढकालले ओली सरकारले गरेको संसद विघटन अलोकतान्त्रिक तथा अधिनायकवादी र प्रतिगमनपरस्त कदम भएकोले यसको विरुद्धमा संघर्ष गरेर संसद पुनःस्थापना गराउनु पर्ने बताउनु भयो ।
राजमो पूर्व सांसद हरि आचार्य, जातीय समता समाजका केन्द्रीय सदस्य मनबहादुर सुनार, अखिल (छैठौं) बाँकेका अध्यक्ष नमराज चन्द लगायतको उपस्थिति रहेको थियो ।
यो पनिः
राजमो बाँकेले साताव्यापी सञ्चालन गरेको विरोध कार्यक्रम अघैयामा
संसद विघटन गरेर मन्त्रिमण्डल विस्तार गर्नु अधिनायकवादी शैली : आचार्य
