तिलक थापा,बागलुङ । राष्ट्रिय जनमोर्चा बागलुङको २ दिने जिल्ला प्रशिक्षण भेला आईतबार सम्पन्न भएको छ । दुईदिन देखी चलेको भेलाको समापन समारोहमा राष्ट्रिय जनमोर्चाका पूर्व सचिव कृष्ण अधिकारीले जनताको जीवनस्तरमा परिवर्तन नाउनु गलत तथा दुषित राजनीति कारणले गर्दा हो । यो गलत राजनीतिलाई चिर्ने जिम्मेवारी राष्ट्रिय जनमोर्चाको भएकोले सबै कार्यकर्ताहरु जुझारु प्रकारले लाग्न अनुरोध गर्न भयो ।

कार्यक्रममा मन्तव्य दिनेहरुमा राष्ट्रिय जनमोर्चा केन्द्रीय सदस्य तथा जिल्ला समन्वय समिति बागलुङका प्रमुख राजेन्द्र ढुंगाना, अखिल नेपाल युवक संघका पूर्व अध्यक्ष तथा राष्ट्रिय जनमोर्चाका राष्ट्रिय परिषद सदस्य तिलक थापा, राष्ट्रिय जनमोर्चाका जिल्ला सल्लाहकार टिकाराम शर्मा, अखिल नेपाल महिला संघ बागलुङ सल्लाहकार फुल कुमारी शर्मा, व्यवस्थापनको तर्फ बाट प्रेम थापा लगायत हुनुहुन्थ्यो ।

भेलामा राष्ट्रिय जनमोर्चाका परिषद सदस्य गौरीस्वर पाण्डे, प्रशिक्षक दुर्गानाथ खरेल, अखिल नेपाल युवक संघका केन्द्रीय कोषाध्यक्ष भिमसेन वन, जिल्ला सल्लाहकार बेदिलाल सापकोटा लगायतको आतिथ्यता रहेको थियो ।

भेलाको उद्घाटन समारोह पश्चात् सुरु भएको प्रशिक्षण कार्यक्रममा नेकपा (मसाल)का महामन्त्री मोहन बिक्रम सिह, राष्ट्रिय जनमोर्चा केन्द्रीय अध्यक्ष चित्र बहादुर केसी, केन्द्रीय प्रशिक्षक दुर्गा खरेल लगायतले विभिन्न बिषयमा प्रशिक्षण दिनु भएको थियो ।

नरबहादुर पुन, टंक केसी कृष्णा पुन, गोबिन्द पौडेल र नर बहादुर सुनार रहेको ५ सदस्यीय अध्यक्ष मण्डल बाट सुरु भएको भेलाको बन्द सत्रमा पालिका स्तरीय रिपोर्टिङ भएको थियो । जिल्ला सचिव भिमलाल पोखरेलले प्रस्तुत गर्नु भएको सांगठनिक तथा अभियानको कार्यतालिका छलफलबाट पारित गरेको छ । कार्यक्रममा अध्यक्ष अमर थापाले कार्यक्रम र अभियानको उदेश्य बारे प्रष्ट पार्नु भएको थियो । भेलाले फागुन महिनामा जिल्ला भरी अभियानमा परिचालन हुने १० वटा टोलीहरुमा सहभागी हुने सहभागीहरुको समेत निर्णय गरेको छ ।