पोखरा । अखिल नेपाल उद्योग व्यापार संघ, कास्कीको नवनिर्वाचित समितिलाई पुरानो समितिले माइन्युट हस्तान्तरण गरेको छ ।
शनिबार (असार १८ गते) बसेको जिल्ला समितिको बैठकमा समितिलाई माइन्युट हस्तान्तरण गरी जिम्मेवारी सुम्पिएको हो ।
यही असार २ गते पोखरामा भएको भेलाले १३ सदस्यीय जिल्ला समिति चयन गरेको हो । हरी बरालको अध्यक्षतामा गठित समितिको उपाध्यक्ष प्रकाश बराल, सचिव प्रविण पौडेल, सहसचिव डोलनाथ पौडेल, कोषाध्यक्ष रिता घर्ती, मिरे विक र सदस्यमा गोविन्द शर्मा, टेकबहादुर थापा, दयाराम लामिछाने, भागिरथ शर्मा, दिपक पौडेल, चन्द्रबहादुर रोका, गंगा पुन, डीआर विरोधि रहनुभएको छ ।
ढाकाराम पौडेलको अध्यक्षता र गोविन्द शर्माको संचालनमा अघि बढेको भेलाको उद्घाटन अखिल नेपाल राष्ट्रिय उद्योग व्यापार संघका संस्थापक अध्यक्ष तथा राष्ट्रिय भूमी आयोगका सदस्य भैरवराज रेग्मीले गर्नुभएको थियो ।
गण्डकी प्रदेशका राष्ट्रिय जनमोर्चा संसदीय दलका नेता पियारी थापा, राजमो गण्डकी प्रदेश अध्यक्ष शंकर बराल, अखिल नेपाल युवक संघ कास्की जिल्ला सचिव जयराम आचार्य, नेशनल मल्टिप्रपोज इन्भष्टमेन्ट कम्पनी प्रालीका बोर्ड मेम्बर टेक बहादुर थापा, प्रकाश बराल, दयाराम लामिछानेले लगायतले भेला सफलताको शुभकामना राख्नुभएको थियो ।
