बेइजिङ । शनिबारसम्ममा साङ्घाईमा कोभिड–१९ सङ्क्रमित ११ हजारभन्दा बढी सङ्क्रमित निको भई अस्पतालबाट घर फर्केका छन् । उनीहरूलाई चिकित्सकको प्रत्यक्ष निगरानी आवश्यक नभएको भन्दै साङ्घाईका विभिन्न अस्पतालबाट घर पठाइएको स्थानीय अधिकारीहरूले आइतबार बताए ।
उनीहरूले घरमै स्वास्थ्य निगरानी जारी राख्न सक्ने नगरपालिकाको स्वास्थ्य आयोगले बताएको छ । यस सहरमा सङ्क्रमण नियन्त्रणका लागि अत्यधिक व्यक्तिमा सबै न्युक्लिक एसिड परीक्षण गर्ने र यसका अधीनस्थ क्षेत्रको विभिन्न जोखिम ग्रेडानुसार सम्बन्धित कोभिड–१९ रोकथाम र नियन्त्रण उपाय कार्यान्वयन गर्ने बताएको छ ।
साङ्घाईले आफ्नो स्क्रिनिङ कार्यलाई सहज बनाउन न्युक्लिक एसिड कोड पनि अपडेट गरेको छ । यो कोड सञ्जालमा जडान बिना दोहो¥याएर प्रयोग गर्न सकिन्छ र सङ्क्रमण भएको वा नभएको पुष्टिका लागि स्क्रिनसट देखाउन सकिन्छ ।
परिवारका सदस्यले आफ्ना छोराछोरी र वृद्धहरूको सवालमा उक्त कोडका लागि आवेदन दिन सक्छन् । विदेशीहरूले आफ्नो पासपोर्ट प्रयोग गरेर न्युक्लिक एसिड परीक्षणको लागि वेभसाइटमा दर्ता गर्न सक्छन् वा अनलाइन कोडको लागि आवेदन गर्न सक्छन् । (रासस:सिन्ह्वा)
