टोकियो । फुकुसिमामा विनाशकारी आणविक पग्लिएको ११ वर्षपछि जापानको उत्तरपूर्वमा मानिसहरूले शुक्रबार प्रार्थना गरेका छन् । भूकम्प र सुनामीका कारण १८ हजार ५०० मानिसको मृत्यु र बेपत्ता भएको ११ वर्ष पुगेको छ ।
उत्तरपूर्वी जापानमा मार्च ११, २०११ मा गएको ९.० म्याग्निच्युडको भूकम्प अहिलेसम्म रेकर्ड गरिएका सबैभन्दा शक्तिशालीमध्ये एक थियो । स्थानीय समयानुसार शुक्रबार २ः४६ अपराह्नमा सो विनाशकारी भूकम्प र सुनामीमा ज्यान गुमाए व्यक्तिप्रति सम्झनास्वरूप एक मिनेटको मौन धारण गरिएको थियो ।
जापानी टेलिभिजनले ठुला छालबाट जोगाउनका लागि बनाइएको विशाल समुद्री पर्खालमा उभिएका विद्यार्थीले आशाको सन्देशसहित चित्रित चङ्गा उडाउँदा मानिसले समुद्रतिर प्रार्थना गरिरहेको प्रत्यक्ष फुटेज देखाएका थिए ।
समुद्रमुनि भूकम्पले एक घातक सुनामी ल्यायो, जसले सम्पूर्ण तटीय समुदायलाई तहसनहस बनाएको थियो । बिपत्को एक दशकभन्दा बढी समय बितिसकेपछि सरकारले वार्षिक अनुष्ठानलाई समापन गरेको थियो । यसवर्ष ज्यान गुमाएकाको सम्झनामा राज्यको अनुदानमा कुनै पनि राष्ट्रिय समारोह भएन ।
सुनामीले ध्वस्त पारेको तोहोकु क्षेत्रमा व्यक्तिहरू बिहानै तटमा प्रार्थना गर्न भेला भएका थिए । स्थानीय टिभीले फुकुसिमाको नामी क्षेत्रमा अझै हराइरहेका मानिसको वार्षिक खोजी गरिरहेको देखाएको छ ।
सुनामीमा आफ्नी बहिनी, ज्वाइँ र भतिजा गुमाएका माछा मार्ने सदाओ कोनले यो दिन मनाउनबाट बच्न प्रयास गरेको बताए । ‘मेरो आफन्त मात्र मारिएनन्, मैले फायर ब्रिगेड नेताको रूपमा आफ्नो कर्तव्यको क्रममा धेरै पीडित पनि देखेँ’ उनले भने ।
‘म जानाजानी त्यो दिनको बारेमा विशेष तरिकामा नसोच्ने प्रयास गर्छु । यो एक पीडादायी सम्झना हो, जुन मैले सकेमा बिर्सने छु’ ६८ वर्षीयाले एक वृद्धले बताएकी छिन् । (रासस/एएफपी)
