प्योङयाङ । प्रजातान्त्रिक जनवादी गणतन्त्र कोरियाका शीर्ष नेता किमजोङ उनले आफ्नो देशले अन्तरिक्षमा धेरै सैन्य जासुसी उपग्रह प्रक्षेपण गर्ने बताउनु भएको छ ।
आधिकारिक कोरियाली केन्द्रीय समाचार एजेन्सीले बिहिबार यस्तो जानकारी दिएको हो । नेसनल एरोस्पेस डेभलपमेन्ट एडमिनिस्ट्रेसन (नाडा) को हालैको निरीक्षणको क्रममा किमले उक्त टिप्पणी गर्नुभएको थियो ।
फेबु्रअरी २७ र मार्च ५ गते दुईओटा भूउपग्रह परीक्षण गर्ने नाडाले सार्वजनिक गरेको प्रमुख परीक्षणको नतिजाप्रति शीर्ष नेताले सन्तुष्टि व्यक्त गर्नुभएको छ । भूउपग्रहको विकासलाई सार्वभौमसत्ता र राष्ट्रिय हितको रक्षाका लागि महत्त्वपूर्ण काम भएको उहाँले बताउनु भएको छ ।
किमका अनुसार सैन्य उपग्रहहरू विकास र सञ्चालन गर्नुको उद्देश्य देशको सशस्त्र बललाई यसको विरुद्ध सैन्य कारबाहीको वास्तविक समय जानकारी प्रदान गर्नु हो ।
पार्टी केन्द्रीय समितिले पञ्चवर्षीय योजना (२०२१–२५) को अवधिमा धेरै सैन्य उपग्रहलाई सूर्य–सिङ्क्रोनस ध्रुवीय कक्षमा विविध रूपमा राख्ने राष्ट्रिय एयरोस्पेस विकास प्रशासनको निर्णय समावेश छ । (रासस, एएनआई, सिन्ह्वा)
