बेइजिङ । चीनले संयुक्त राज्य अमेरिकामा रहेका आफ्ना विद्यार्थीहरूलाई दुव्र्यवहार नगर्न अमेरिकालाई आग्रह गरेको छ ।
अमेरिकामा रहेका चिनियाँ विद्यार्थीहरूलाई अनेक बहानामा दुःख दिने गरेको, झमेलामा पार्ने गरेको, देशनिकाला गर्ने गरेको चीनको दाबी छ ।
त्यसैगरी चिनियाँ विद्यार्थीलाई चिनियाँ कम्युनिस्ट पार्टीको सदस्य रहेको वा नरहेकोबारेमा निरन्तर प्रश्न गर्ने गरिएको पनि चीनले आरोप लगाएको छ । कुनै पार्टीमा आबद्ध हुनु वा नहुनु उनीहरूको स्वतन्त्रताको विषय भए पनि अमेरिकाले त्यसमा संलग्न नहुन अप्रत्यक्ष रूपमा दबाब दिएको उनीहरूको भनाइ छ ।
चीनको विदेश मन्त्रालयका प्रवक्ता हउ चुनिङले अमेरिकाको व्यवहारप्रति कडा रूपमा असन्तुष्टि जनाउनुभयो । अमेरिकामा अन्य देशका विद्यार्थी र चिनियाँ विद्यार्थीका बिचमा विभेद भएको पनि उहाँले उल्लेख गर्नुभयो ।
अमेरिकाको यस्तो प्रकारको व्यवहारलाई आफूहरूले गम्भीरतापूर्वक लिएको र आगामी दिनमा यस्तो नगर्न आग्रह गरिएको परराष्ट्र मन्त्रालयको भनाइ छ । (रासस/सिन्ह्वा)
