जेनेभा । संयुक्त राष्ट्र सङ्घले अफगानिस्तानमा अहिले तत्कालै करिब तीन अर्ब ६० करोड अमेरिकी डलर बराबरको मानवीय सहयताको खाँचो रहेको औल्याएको छ ।
हाल संयुक्त राष्ट्र सङ्घको समूहले अफगानिस्तानमा मानवीय सहयता वितरणको कार्य सुरु गरेको छ र त्यसका लागि कम्तीमा पनि तीन अर्ब ६० करोड अमेरिकी डलर बराबरको सहायताको खाँचो रहेको आँकलन गरिएको हो ।
संयुक्त राष्ट्र सङ्घका महासचिव एन्टोनियो गुटर्रेसका प्रवक्ता स्टेफन डुजाकिरकका अनुसार हाल अफगानिस्तानमा संयुक्त राष्ट्र सङ्घको एक समूहले मानवीय सहयताको वितरण गरिरहेको छ । यो सहयोग अहिले अरू केही नभएर मानिसहरूका लागि आधारभूत खाद्यान्न, उनीहरूलाई न्यानो कपडा र आधारभूत औषधिमुलो रहेको बताइएको छ ।
यही जनवरीको सुरुमा संयुक्त राष्ट्र सङ्घले यस वर्षका लागि कम्तीमा पनि चार अर्ब ४० करोड अमेरिकी डलर बराबरको मानवीय सहायता वितरण गर्नुपर्ने योजना बनाएको थियो । त्यसबाट नै अहिले तत्कालै कम्तीमा तीन अर्ब ६० करोड अमेरिकी डलर बराबरको सहयाताको खाँचो परेको हाल अफगानिस्तानमा सहयोग वितरण गरिरहेको संयुक्त राष्ट्र सङ्घको समूहले जनाएको हो ।
यहाँ तालिबानको शासन सुरु भएपछि बैदेसिक सहायता आएको छैन । त्यसका कारण यहाँका नागरिक आधारभूत खाना, औषधि तथा न्यानो कपडाबाट पनि बञ्चित हुन पुगेका छन् । (रासस÷सिन्ह्वा)
