सुभ । आँधीका कारण फिजीका चार हजार ६३० जना विस्थापित भएका छन् । उनीहरूलाई देशका विभिन्न ठाउँमा बनाइएका १६२ ओटा शिविरमा राखिएको पनि अधिकारीहरूले जानकारी दिएका छन् ।

राष्ट्रिय प्रकोप व्यवस्थापन केन्द्रले ११५ ओटा शिविर भिटी लेभुको पश्चिमी क्षेत्रमा स्थापना गरिएको जनाएको छ । त्यसैगरी, भानुआ लेभुको मध्यभागमा ४२ ओटा र उत्तरी भागमा पाँचओटा शिविर बनाइएको पनि अधिकारीहरूले जनाएका छन् ।

‘उनीहरूलाई शिविरमै राख्ने भन्ने हैन, विस्थापित भएकालाई जति सक्दो चाडो हामी आफ्नै घर फर्काउन चाहन्छौँ’ एक सरकारी अधिकारीले भने ।

विस्थापित भएकालाई अस्थायी बसोबास, खानसँगै न्यूनतम अत्यावश्यक सेवाहरू पनि उपलब्ध गराइने उनीहरूको भनाइ छ ।

हरेक वर्षको नोभेम्बरदेखि अप्रिलसम्ममा फिजिमा आँधी आउने र ठुलो जनधनको क्षति हुने गरेको छ । (रासस/सिन्ह्वा)