जेनेभा । म्यानमारको सेनाले सत्ता कब्जा गरेपछि यहाँको मानवअधिकार उल्लङ्घनका घटनामा उल्लेख्य वृद्धि भएको राष्ट्र सङ्घीय अधिकार कार्यालय ओ.एच.सी.एच.आर. ले जनाएको छ । ओ.एच.सी.एच.आर. ले शुक्रबार विज्ञप्ति जारी गर्दै देशमा गम्भीर मानवअधिकार उल्लङ्घनको डरलाग्दो वृद्धिबाट राष्ट्र सङ्घ स्तब्ध भएको जनाएको हो ।
प्रवक्ता रुपर्ट कोल्भिलले जेनेभामा पत्रकार सम्मेलनमा जनाएअनुसार म्यानमारमा पछिल्ला दिन बर्बरतापूर्वक नाबालक र निहत्था मानिस मारिएका छन् । मानव अधिकारका गम्भीर उल्लङ्घन जीवनको अधिकार, स्वतन्त्रता र व्यक्तिको सुरक्षा, यातना विरुद्धको निषेध, निष्पक्ष परीक्षणको अधिकार, र अभिव्यक्ति स्वतन्त्रताको दैनिक रूपमा बढेको पाइएको छ ।
हालैका केही हप्तायता संयुक्त राष्ट्र सङ्घ मानवअधिकार कार्यालयले धार्मिक पूजास्थल र आवासीय भवन जस्ता संरक्षित संरचनासहित कैयौँ गाउँ जलाइएको धेरै रिपोर्ट प्राप्त गरेको बताएको छ ।
कोल्भिलले भनेका छन्– ‘विद्रोहपछि जनरल मिन आङ ह्विलङको सेनाले देशका जनताको रक्षा गर्ने अन्तर्राष्ट्रिय कानुनअन्तर्गत आ,्निो दायित्वको सम्मान गर्न बारम्बार असफल भएको छ । फलस्वरूप १,३०० भन्दा बढी व्यक्तिले ज्यान गुमाएका छन् र अन्य १०,६०० हिरासतमा छन् ।’
‘यी पछिल्ला गम्भीर घटनाले म्यान्मारको सेना र म्यान्मारमा प्रजातन्त्रको पुनस्र्थापनाको लागि जवाफदेहिता पछ्याउने प्रयासलाई दोब्बर बनाउने दृढ, एकीकृत र दृढ अन्तर्राष्ट्रिय प्रतिक्रियाको माग गर्दछ“ उनले जोड दिएका छन् । (रासस/एएनआई)
