नयाँदिल्ली । भारतको दक्षिणी केरला राज्यमा शनिबारको अविरल वर्षा र बाढीका कारण कम्तीमा पनि १८ जनाको ज्यान गएको छ । अरू दर्जनौँ व्यक्ति बेपत्ता भएका छन् ।

बाढीका कारण कतिपय स्थानमा भिषण पहिरो गएको छ । पहिरोमा परेर दर्जनौँ बेपत्ता भएका बताइएको छ । दक्षिणी राज्य केरलाका इदुकी र कोट्याम जिल्लामा बाढी र पहिरोको प्रकोप देखा परेको प्रहरीले जनाएको छ ।

कोट्याम जिल्लामा बढीले बढी क्षति पुर्याएको यहाँका एक स्थानीय पत्रिका हिन्दुस्तान टाइम्सले लेखेको छ । बाढीमा परेर मृत्यु भएका र हराएकामध्ये अधिकांश सो जिल्लाका रहेका छन् ।

यहाँ आइतबार बिहानसम्म पनि वर्षा जारी रहेको छ । बाढीका कारण कतिपय स्थानीय सडक अवरुद्ध भएका छन् । मौसम् विज्ञान विभागका अधिकारीहरूले आइतबार पनि वर्षा कायमै रहने बताएका छन् । (रासस/सिन्ह्वा)