इस्लामावाद । पाकिस्तान पानीको सङ्कट बढ्दै गइरहेको छ । यो सङ्कटका कारण देशको स्थिरताका सामु जटिल चुनौती थपिने अनुसन्धानले देखाएको छ ।
इन्टरनेसनल फोरम फर राइट एन्ड सेक्युरिटीको प्रतिवेदन अनुसार पानीको सङ्कटले यहाँ ठुल्ठुला विरोध प्रदर्शन निम्त्याएको छ, जसले गर्दा यहाँको रुग्ण अर्थतन्त्रलाई थप समस्याग्रस्त पार्न सक्छ र प्रान्त प्रान्तबिच झगडा निम्त्याउन सक्छ ।
सिन्ध र बलुचिस्तान प्रान्तका किसानहरूले सिन्धुनदीबाट आफ्नो पानीको हिस्सा छोड्न माग गर्दै प्रमुख राजमार्ग अवरुद्ध गर्न थालेका छन् । सेक्यिुरिटीको रिपोर्टअनुसार सबैभन्दा धनी र राजनीतिक बहुलता भएको पन्जाब प्रान्तमा प्रायः नदीको पानीको उच्चतम र अनुचित मात्रा छुट्याएको आरोप लगाइएको छ ।
सिन्धुनदीको पानीको वितरणलाई लिएर समय समयमा प्रान्तहरूबिच विवाद देखा पर्ने गरेको छ । यसो हुनुमा अनुसन्धानकर्ताहरू प्रान्तबिच विश्वासको कमीलाई प्रमुख कारण ठान्छन् । पाकिस्तानी शोधकर्ताहरूको अध्ययन प्रतिवेदनअनुसार पाकिस्तानका प्रान्तबिच विश्वासको कमी नै विवादको जड हो । विशेष गरी सिन्ध र पन्जाब एवम् सिन्ध र बलुचिस्तानबिच पानी विवाद मुख्य कारण बन्ने गरेको छ ।
सिन्ध र पन्जाब मात्र होइन, यसपटक सिन्ध र बलुचिस्तानबिच समेत झगडा देख्न सकिन्छ । बलुचिस्तानले सिन्धलाई चेतावनी दिँदै भनेको छ– हब बाँधबाट कराचीको पानी आपूर्ति बन्द गरिने छ, यदि उत्तर प्रदेशले पानीको प्रान्तको हिस्सा ओगट्ने काम रोकेन भने ।
तालिबानद्वारा अफगानिस्तानको कब्जा पछि कट्टरपन्थी तत्त्वहरू बलियो हुँदै जाँदा पाकिस्तानमा स्थिरताको लागि यो घटना विनाशकारी हुन सक्ने अध्ययनले देखाएको छ । (रासस/एएनआई)
