बेइजिङ । अफगानिस्तानको राजधानी काबुलमा भएको एक रकेट आक्रमणमा परी चार बालबालिकासहित छ जनाको ज्यान गएको छ ।
आइतबार काबुल विमानस्थलमा प्रहार गरिएको रकेट बस्तीमा परेको र बस्तीको एक घरमा रहेका एकै परिवारका ती व्यक्तिको ज्यान गएको हो ।
काबुल विमानस्थलमा अमेरिकी, बेलायती र अरू केही विदेशी विमानले आफ्ना नागरिकलाई स्वदेश फर्काइरहेका छन् ।
विमानस्थललाई नै लक्षित गरेर सो रकेट आक्रमण गरिएकामा सो रकेट बस्तीतर्फ पर्न गरेको बताइएको छ । पछिल्ला केही दिनमा काबुल विमानस्थलमा विस्फोट हुने गरेको छ ।
हमिद कारजाई अन्तर्राष्ट्रिय विमानस्थलमा पश्चिम भागतर्फ स्थानीय समयानुसार ४ः५५ सो रकेट प्रहार भएको थियो । एक अमेरिकी ड्रोन सहरमा उडिरहेको देखा परेपछि उक्त हमला भएको प्रत्यक्षदर्शीले बताएका छन् ।
गत बिहिबार पनि विमानस्थलका पूर्वीगेटमा भएको आत्मघाती विष्फोटमा परी कम्तीमा १७० अफगान नागरिक र १३ अमेरिकी सैनिक मारिनुका साथै करिब २०० जना घाइते भएका थिए । उडानको पर्खाइमा रहेका ठुलो भिडमा सो आक्रमण भएको थियो ।
अफगानिस्तानमा तालिबान विद्रोहीले केन्द्रीय राजधानी काबुल कब्जा गरेपछि हजारौँ मानिसले अफगानिस्तान छाड्ने क्रम जारी छ ।
इस्लामिक स्टेट्स (आइएस) ले जिम्मेवारी लिएको यस आक्रमणमा परी मारिएकाहरू अधिकांश महिला र बालबालिका रहेका छन् । (रासस/सिन्ह्वा)
