लन्डन । बेलायतका प्रधानमन्त्री बोरिस जोन्सनले आवश्यक परे बेलायतले तालिबानीसँग पनि मिलेर काम गर्न सक्ने बताउनुभएको छ ।
‘म सबै जनतालाई विश्वास दिलाउन चाहन्छु, हामीले आवश्यक परेमा तालिबानसँग पनि मिलेर काम गर्न सक्छौँ । हाम्रो राजनीतिक तथा कूटनीतिक प्रयास भनेको हामीले अफगानिस्तानको समस्याको समाधान खोज्ने हो र हामी त्यसका लागि लागिपरेका पनि छौँ’ उहाँले भन्नुभएको छ– ‘यदि अफगानिस्तानमा शान्तिस्थापना हुन्छ वा यहाँको अवस्थामा सुधार आएर समस्या समाधान हुन्छ भने हामीले तालिबानी समूहसँग पनि मिलेर काम गर्न सक्छौँ ।’
प्रधानमन्त्री जोन्सनले अफगानिस्तानको विमानस्थलमा आफ्नो देश फर्किन चाहने नागरिकको भिडभाड हट्दै गएको र तालिबानीले पनि यसमा सामान्यतया अवरोध नगरेको देखिएको उहाँले बताउनुभयो ।
अफगानिस्तानको अवस्था विस्तारै सामान्य हुँदै गएको जस्तो देखिएको उहाँले बताउनुभयो ।
हाल विश्वका विभिन्न देशले आफ्ना नागरिकलाई अफगानिस्तानबाट फिर्ता गरिरहेका छन् । यसै क्रममा बेलायतले पनि गत अगस्त ८, २०२१ यता कम्तीमा दुई हजार आफ्ना नागरिकलाई फिर्ता लगिसकेको जनाएको छ । (रासस/सिन्ह्वा)
