वासिङटन । अमेरिकामा मोडेर्ना र फाइजर खोपको तेस्रो डोज दिइने दिएको छ ।
संघीय सरकारअन्तर्गत रहेको फुड एन्ड ड्रग्स एडमिनिस्ट्रेसन (एफडिए) ले बिहीबार कोरोना प्रयोग गरिने मोडेर्ना र फाइजर–बायोएनटेक भ्याक्सिनको तेस्रो डोजको आपतकालीन प्रयोग गर्न सकिने अनुमति दिएको हो ।
एफडिएका अनुसार रोग प्रतिरोधात्मक क्षमता कमजोर भएका व्यक्तिलाई लक्षित गरेर नियममा यस्तो परिवर्तन गरिएको बताइएको छ । यो परिवर्तनसँगै खोपको पूरा डोज लिएर पनि रोग प्रतिरोधात्मक शक्ति पर्याप्त रूपमा विकसित नभएकाले तेस्रो डोज लिन पाउने भएका छन्।
विशेषज्ञका अनुसार तेस्रो डोजले कमजोर प्रतिरोधात्मक क्षमता भएका मानिसमा पनि सामान्य अवस्थामा रहेका मानिसको जस्तै रोग प्रतिरोधात्मक क्षमता विकसित गर्ने छ ।
रोग नियन्त्रण र रोकथाम केन्द्रका अनुसार अमेरिकाका २.७ प्रतिशत वयस्कमा प्रतिरोधात्मक क्षमता कमजोर रहेको अनुमान बताइन्छ ।
प्रतिरक्षा शक्ति कमजोर हुनेमा अङ्ग प्रत्यारोपण गराएका, क्यान्सरका बिरामी र एड्सबाट सङ्क्रमित छन् ।
