काठमाडौं । गत भदौ २३–२४ गते नेपालमा भएको जेनजी आन्दोलन तथा सत्ता परिवर्तनको लागि गरिएको आन्दोलनलाई वित्तीय सहयोग र तालिम दिएको अमेरिकी सरकारको रहेको अमेरिकी मिडिया ग्रेजोनले जनाएको छ ।

अमेरिकी सरकारका लिंक भएका दस्तावेजको अध्ययन र विश्लेषण गरेर तयार पारेको रिपोर्टअनुसार अमेरिकी सरकारले अमेरिकी नेशनल इन्डाउनमेन्ट फर डेमोक्रेसी (एनइडी) ले युवा नेपालीहरूलाई अमेरिकी हितलाई समर्थन गर्ने महत्वपूर्ण शक्ति बनाउन लाखौँ डलर खर्च गरेको रिपोर्टमा दाबी गरिएको छ ।
ग्रेजोनको रिपोर्टलाई अध्ययन गर्दा यो महसुस हुन्छ कि, अमेरिकी साम्राज्यवादले विभिन्न वहानामा विकासोन्मुख देशहरूमा आफू अनुकुलको सत्ता कायम गर्दै आएको छ । यद्यपी यो समाचार संस्था दक्षिणपन्थी भन्दै यसमाथि रूसी वा चिनियाँ प्रोपागाणडालाई प्रवद्र्धन गरेको आरोप पनि लागेको छ ।

ग्रेजोनले देखेको दाबी गरेका एनइडीका लिक भएका कागजातअनुसार उक्त संस्थाले विभिन्न राजनीतिक दलका युवा कार्यकर्ताहरूलाई प्रदर्शन र आन्दोलन आयोजनाका रणनीति तथा सीपहरूमा तालिम दिने बहानामा लाखौँ डलर खर्च गर्दै आएको छ ।

विशेष रूपमा इन्टरनेशनल रिपब्लिकन इन्स्टिच्युट (आइआरआइ) ले नेपाली राजनीतिक दलका नेता तथा कार्यकर्ताहरूको सञ्जाल बनाउने गर्दै आइरहेको छ। जयको उदेश्य आइआरआइद्वारा चयन गरिएका मुद्दाहरूमा ध्यान केन्द्रित गरी अमेरिकाको चाहना काम गर्नु नै हो ।

आइआरआइले नेपाललाई भारत र चीनसँगको सम्बन्धमा “रणनीतिक भौगोलिक स्थान” भएको ठाम्याउँदै आएको छ । यसले चीनको प्रभाव सीमित गर्ने अमेरिकी लक्ष्य रहेको बुझिन्छ ।

अमेरिकाले विगतमा पनि भेनेजुएला, ग्वाटेमाला, इरान, हाइटी, होन्डुरस, कंगो, भियतनाम, क्युबा जस्ता देशहरूमा शासन परिवर्तनमा प्रत्यक्ष र अप्रत्यक्ष हस्तक्षेप हरेको कुरा धेरै रिपोर्टमा खुलासा भइसकेको छ ।

US regime change front funded Nepalese youth revolutionaries, leaks reveal – The Grayzone