काठमाडौं । नेकपा (माओवादी केन्द्र) का पूर्व उपाध्यक्ष तथा पूर्वसभामुख कृष्णबहादर महरा पक्राउ परेका छन् ।
महरालाई सिआइबीको टोलीले भेप सुन तस्करी प्र्रकरण २०८२ असोज २६ गते आइतबार पक्राउ गरेको हो ।
२०७९ पुस १० गते फ्लाई दुबईको फ्लाइट नम्बर एफजेट ०५८७ नम्बरबाट काठमाडौँ आएका चिनियाँ राहदानीबाहक ली हानसोङले दुईओटा सुटकेस ल्याएका थिए ।
उक्त सुटकेसभित्र ७३ ओटा बट्टामा रहेका ७३० थान भेप ल्याएका थिए । उक्त भेपमा भने सुन लुकाएर ल्याइएको थियो । आठ करोड ५५ लाख २८ हजार तीन ७४ रुपैयाँ बराबरको सुन ल्याइएको बताइए थियो । उक्त सुन भन्सारका नासु रेवनत खड्कासमेतको मिलेमतोमा बेचिएको अनुसन्धानले खुलाएको थियो ।
उक्त सुन छुटाउन भन्दै महरामाथि भन्सारमा दबाब दिएको आरोप लागेको थियो । यो प्रकरणका उनका छोरा राहुल महरा यसअघि पक्राउ परेर कारागारसमेत चलान भएका थिए ।
महरा संलग्न रहेको उक्त सुन तस्करीको फाइलमा अनुसन्धान अघि बढाउँदै उनीसँग केही दिनअघि बयान लिइएको थियो ।
त्रिभुवन विमानस्थलबाट भेपमार्फत सुन भित्र्याउन संलग्न चिनियाँ नागरिक लुई होनसोङ र दाओनिज वाङसँग उपाध्यक्ष महरा र उनका छोरा राहुलको निरन्तर संवाद भएको कल रेकर्डले देखाएको थियो ।
यसअघि नै अनुसन्धानको दायरामा तानिएका पूर्वसभामुख महराविरुद्ध सत्ता र शक्तिको आडमा अनुसन्धान फाइल अघि नबढेको लाग्ने गरेको छ ।
