काठमाडौँ । अवसर तथा ऋण सहकारीको चौधौँ साधारणसभा सम्पन्न भएको छ ।
अखिल नेपाल कानुनी व्यवसायी सङ्घ (अन्ला) का अध्यक्ष अधिवक्ता पदम रोकाको प्रमुख आतिथ्यमा २०८० पुस २१ गते शनिबारका दिन च्छोरोल्पा पार्टीप्यालेसमा सो कार्यक्रम सम्पन्न भएको हो ।
राष्ट्रिय जनमोर्चाका उपाध्यक्ष तथा प्रवक्ता दुर्गा पौडेल विशिष्ट अतिथि रहनुभएको उक्त कार्यक्रममा सञ्चालक समितिका लक्ष्मण बोगटी, तुल्सीनारायण श्रेष्ठ, चपला ढकाल र सुधा शर्मा, संस्थाका सल्लाहकारहरू आनन्द शर्मा, विष्णुहरि देवकोटा, राजेन्द्रप्रसाद ढकाल, जगत् श्रेष्ठ र डा. चूडा ढकाल, कानुनी सल्लाहकार अधिवक्ता लक्ष्मणदेव पाण्डे, प्राज्ञ डा कौशिला रिसाल, अखिल नेपाल महिला सङ्घकी अध्यक्ष मीना पुन, पत्रकार केशव विष्टलगायतको आतिथ्य रहेको थियो ।
सभामा अध्यक्ष ढकालले वार्षिक प्रतिवेदन, लेखासमितिका संयोजक अशोकविक्रम जिसीले लेखा प्रतिवेदन र ऋण उपसमितिका संयोजक तुल्सिनारायण श्रेष्ठले ऋण प्रतिवेदन प्रस्तुत गर्नुभएको थियो ।
कार्यक्रममा २०७९ सालको एसइईमा उत्कृष्ट नम्बर ल्याउने नविना श्रेष्ठ, ऋषिका तिवारी, भूवन श्रेष्ठ र स्नेहा ठोकर तथा कक्षा ८ का उत्कृष्ट नम्बर ल्याउने रूपा तामाङ, प्रज्ज्वल भुजेल र सृष्टी न्यौपानेलाई सम्मानस्वरूप प्रमाणपत्र दिइएको थियो ।
संस्थाका अध्यक्ष ढकालको अध्यक्षता तथा सचिव रमेश पौडेलको सञ्चालनमा अघि बढेको कार्यक्रममा उपस्थित सहभागीलाई उपाध्यक्ष उद्वव भट्टराईले स्वागत गर्नुभएको थियो ।
