काठमाडौं । बिहीबार साँझ दुई बच्चासहित दम्पती त्रिशुली नदीमा हाम फालेका छन् । नदीमा बाबबुआमाले खसालेका २ वर्ष र ६ महिनाका बालक बेपत्ता छन् भने आमा मृत भेटिएकी छन् ।
धादिङको बेनिघाट रोराङ–१ स्थित झोलुङ्गे पुलबाट बिहीबार साँझ बच्चासहित श्रीमान श्रीमती नै नदीमा हामफालेको प्रहरीले जानकारी दियो । काठमाडौंको चन्द्रागिरि नगरपालिकाका विनय लामिछाने र उनकी श्रीमती नदीमा हाम फालेका हुन्। प्रहरीका अनुसार नदीमा हाम फल्ने पुरुष भने सकुशल छन् ।
प्रहरीका अनुसार विनय परिवारसहित गोरखाको ध्याल्चोकस्थित ससुराली पुगेर घर फर्कँदै थिए । घटना भएको स्थान बेनिघाटबाट गोरखा जाने त्रिशली नदिको पुलको करिब एक किलोमिटर वर पर्छ ।
नदीमा परिवारसहित हाम फाल्नुको कारण खुल्न सकेको छैन । विनयको स्थानीय अस्पतालमा उपचार भइरहेको इलाका प्रहरी कार्यालय गजुरीका डीएसपी खगेन्द्र खड्काले जानकारी दिए । प्रहरीले विनयसँग घटनाबारे सोधपुछ गरेपनि उनले केही बताएका छैनन् । हराईरहेका बालकहरुको प्रहरी र स्थानीयले खोजी गरिरहेका छन् ।
