रियाद । सउदी अरेबियाको सेनाको नेतृत्वमा केही दिनयतादेखि यमनको मारिब सहरमा लगातार बमबारी भएको छ ।
बमबारीबाट भएको क्षतिको बारेमा केही बताइएको छैन तर पनि केही दिनयतादेखि त्यहाँ निरन्तर बमबारी भएको अधिकारीले जनाएका छन् ।
मारिब यमनका विद्रोहीको कब्जामा रहेको सहर हो । उक्त सहरमा सउदी अरेबियाको सेनाले नेतृत्व गरेको सेनाले यसअघि पनि नियन्त्रण गर्दै र हवाई तथा स्थलगत रूपमा यहाँका विद्रोहीका विरुद्धमा कारबाही गर्दै आएको यहाँका अधिकारीले बताएका छन् ।
तेलको धनी मानिने यो सहर यमनका हुथी विद्रोहीहरूको कब्जामा रहेको छ । समय समयमा यहाँको सरकारी सेनाले पनि फिर्ता लिने गरेको यो सहरमा प्रायः हुथीहरूले नै कब्जा गर्ने गरेका छन् । उनीहरूको कब्जाबाट मुक्त गर्न नै शनिबारदेखि सउदी अरेबियाको सेनाले निरन्तर बमबारी गरिरहेको बताइएको छ ।
यमनमा विगतका कैयौँ वर्षदेखि विद्रोहीहरूले सङ्घर्ष गर्ने गरेका छन् । उनीहरूले खासगरी तेलको धनी भएकाले यही सहरमा नै कब्जा जमाउने गरेका छन् ।
केही समयअघि सो सहरमा साउदी अरेबिया सरकारको सेनाले गरेको आक्रमणका क्रममा कैयौँ मानिस मारिएका थिए । (रासस/सिन्ह्वा)
