अबुजा । नाइजेरियाको ओयो राज्यमा रहेको एक कारागारमा हमला हुँदा ८०० भन्दा बढी कैदी भागेका छन् । अज्ञात बन्ददुकधारीले नाइजेरियाको सो कारागारमा हमला गरेपछि त्यहाँबाट ती थुनुवा भागेका हुन् ।
अधिकारीहरूले दिएको जानकारीअनुसार शनिबार राति नाइजेरियाको दक्षिण–पश्चिमी राज्य ओयोमा रहेको सो कारागारमा अज्ञात बन्दुकधारीले हमला गरेका थिए । हमला गरेपछि जेल तोडेर ती बन्दी भागेका यहाँको गृह मन्त्रालयका अधिकारीले जनाएका छन् ।
ओयो राज्यको कारागार विभागका प्रवक्ता अेलानेगु्र अन्जोरिनले सो कुराको पुष्टि गर्नुभएको छ । उहाँले शनिबार राति अज्ञात बन्दुकधारीले हमला गर्दा ८३७ जना थुनुवा त्यहाँबाट भागेका थिए । उनीहरूमध्ये कतिपय पुर्पक्षका लागि थुनामा थिए भने कतिपय वर्षाैँसम्म जेल सजाय तोकिएका व्यक्ति थिए । उनीहरूको खोजी प्रहरीले थालेको पनि प्रवक्ता अन्जोरिनले बताउनुभएको छ ।
भागेका मध्ये २४२ जनालाई प्रहरीले विभिन्न स्थानबाट पुनः पक्राउ गरेको छ । अरू भागेका र उनीहरूको पनि खोजी कार्य जारी रहेको यहाँको कारागार सुरक्षाका विभागका अधिकारीले जानकारी दिएका छन् । (रासस/सिन्ह्वा)
