दमास्कस । सिरियाको राजाधानी दमासकसमा सैनिकहरू चढेका एक बसलाई लक्ष्य गरी गरिएको बम विस्फोटमा परी कम्तीमा १३ व्यक्तिको मृत्यु भएको छ ।
यस वर्ष सुरुवातपछि यो सबैभन्दा खतरनाक आक्रमणको घटना भएको साना समाचार समितिले जनाएको छ । राजधानीको एउटा प्रमुख पुलमा दुई विस्फोटक पदार्थ प्रयोग गरी आतङ्ककारीले सैनिक बसलाई लक्ष्य गरी गराएको बम विष्फोटमा परी कम्तीमा १३ व्यक्तिको मृत्यु हनुको साथै अन्य तीन जना घाइते भएका जनाएको छ ।
दमास्कसमा हालैका वर्षमा केही हदसम्म हिंसा कम भएको थियो । इस्लामिक स्टेट्स (आइएस) जिहादी समूहले २०१७ को मार्चमा जस्टिस प्यालेसलक्षित बम विस्फोट गराएपछि कम्तीमा ३० जना मारिएको घटनापछि राजधानीमा भएको यो सबैभन्दा घातक आक्रमण हो । यस बम आक्रमणको हाल कुनै पनि समूहले जिम्मेवारी लिएको छैन तर विगतमा यस्ता हमलाको आइएस जिहादी समूहले दाबी गर्ने गरेका थिए ।
दशकौँ पुरानो युद्ध सकिएको र पुनर्निर्माण प्रयासलगायत लगानी परियोजना सुरु गर्नका लागि स्थिरताको ग्यारेन्टी गरेको सरकारलाई पछिल्लो बम विष्फोटले चुनौती दिएको छ । राष्ट्रपति बसरअल असदको सरकारले आफूलाई अन्तर्राष्ट्रिय स्तरबाट अलग भएको यस अवस्थालाई बाहिर निकाल्ने कोसिस गरिरहनु भएको छ र हालैका महिनामा यसमा प्रवेश पाएको छ । (रासस/सिन्ह्वा)
