काबुल । पूर्वी अफगानिस्तानको एउटा प्रहरीचौकीमा बन्दुकधारीले बुधबार गरेको आक्रमणमा परी कम्तीमा दुई तालिबान लडाकु र एक सर्वसाधारणको मृत्यु भएको छ ।
सुरक्षा स्रोत र प्रत्यक्षदर्शीले बताएअनुसार वर्षौंदेखि इस्लामिक स्टेट (आइएस) समूहले अफगानिस्तान मुख्य आधारक्षेत्र बनाउँदै आएको नान्गरहार प्रान्तको जलालाबाद सहरमा तालिबानलाई निशाना बनाएको यो पछिल्लो आक्रमण हो ।
रिक्सामा आएका अज्ञात बन्दुकधारीले जलालाबादको घावचक जिल्लाको एक चेकपोस्टमा आक्रमण गरी दुई तालिबान गार्ड र एक सर्वसाधारणको हत्या गरेको प्रत्यक्षदर्शीले बताएका छन् ।
यस आक्रमणको तालिबानका एक अधिकारीले पनि पुष्टि गरेका छन् तर उनले मृतक सबै सर्वसाधारण रहेको दाबी गरेका छन् ।
जिहादी समूहको स्थानीय शाखा इस्लामिक स्टेट्स खोरसानले यसै हप्ता भएको कैयौँ आक्रमणको जिम्मा लिएको छ । यस आक्रमणमा परी कम्तीमा दुई व्यक्तिको मृत्यु पनि जनाइएको छ ।
अफगानिस्तानबाट अमेरिकी सेना फिर्तापछि यो पहिलो घातक विस्फोट घटना भएको बताइएको छ । आइएस र तालिबान दुवै कट्टर सुन्नी इस्लामवादी उग्रवादी समूह हुन् । (रासस/एएफपी)
