नवीन केसी, प्युठान ।
राष्ट्रिय जनमोर्चाका उपाध्यक्ष एवम् प्रवक्ता दुर्गा पौडेलले प्रतिनिधि सभाको आकष्मिक विघटन गरेर सरकारले जनमतको अपमान गरेको बताउनुभएको छ । राजमो प्यूठानले सोमकार आयोजना गरेको विरोध सभालाई सम्बोधन गर्दै उपाध्यक्ष पौडेलले जनताले दुई तिहाई जनमत दिएपनि सरकारले जनमतको अपमान गरेको बताउनुभयो ।
विदेशी साम्राज्यवादीहरुले नेपालमा सधैँ अस्थिरता होस् भन्ने चाहना राख्ने गरेको भन्दै नेत्री पौडेलले सरकारको गलत क्रियाकलापका कारण देश फेरि अस्थिरतातर्फ धकेलिएको र यस्तो अवस्थामा विदेशीले आफ्नो स्वार्थ पुरा गर्न चलखेल बढाउने सम्भावनना रहेको बताउनुभयो ।
राजमो प्युठानले ‘संसद विघटनको विरोध गरौं, राष्ट्रियता, गणतन्त्र र धर्मनिरपेक्षताको रक्षा गरौं, संघीयता र भ्रष्टाचारको बिरोध गरौं’ भन्ने नारासहित सदरमुकाम खलंगामा विरोधसभा सम्पन्न गरेको हो । विरोधसभामा जिल्लाका विभिन्न क्षेत्रबाट जनसहभागिता रहेको थियो ।
त्यस्तै, कार्यक्रममा राष्ट्रिय जनमोर्चा केन्द्रीय कोषाध्यक्ष हिमलाल पुरी, लुम्बिनी प्रदेश अध्यक्ष बोमबहादुर खत्री, नेकपा (मसाल) रुपन्देहीका प्रवक्ता नारायण जिसी र अखिल ९छैठौं०का केन्द्रीय सदस्य चोपबहादुर विकले पनि सम्बोधन गर्नुभएको थियो ।
लुम्बिनी प्रदेशका प्रदेश सभा सदस्य तारा जिसी, अखिल नेपाल किसान महासंघका केन्द्रीय सचिव वीरबहादुर जिसी, झिमरुक गाउँपालिका अध्यक्ष तिलक जिसी, मल्लरानी गाउँपालिका अध्यक्ष अमरध्वज राना,अखिल नेपाल युवक संघ केन्द्रीय सदस्य हुमलाल नेपाली, अखिल नेपाल महिला संघ केन्द्रीय उपाध्यक्ष पदमा पण्डित, अखिल नेपाल ट्रेड युनियन महासंघ (अन्टुक) का केन्द्रीय सचिव सुरेस श्रेष्ठ, जातीय समता समाजका केन्दीय सचिव तथा जिल्ला अध्यक्ष गोपाल विक, अखिल नेपाल शिक्षक महासंघका महासचिव चक्रपाणि पौडेललगायतका नेताहरुको उपस्थिति रहेको थियो ।
सभाको अध्यक्षता राष्ट्रिय जनमोर्चा जिल्ला अध्यक्ष कृष्णबहादुर खड्का, स्वागत प्युठान जिल्ला समन्वय समिति प्रमुख तथा राजमो लुम्बिनी प्रदेश सदस्य केशव आचार्य तथा सञ्चालन राजमो जिल्ला सहसचिव लालबहादुर राउतले गर्नुभएको थियो ।
