मुम्बई । भारतीय संगीतकी सुमधुर धनी गायिका आशा भोसलेको आज आइतबार निधन भएको छ । उनको ९२ वर्षको उमेरमा मुम्बईस्थित ब्रिच क्यान्डी अस्पतालमा निधन भएको भारतीय सञ्चार जगतले समाचार सार्वजनिक गरेका छन् ।
केही महिनादेखि अस्वस्थ रहेकी उनलाई शनिबार मुटु र श्वासप्रश्वाससम्बन्धी समस्या देखिएपछि ब्रिच क्यान्डी अस्पतालमा भर्ना गरिएको थियो । गम्भीर अवस्थामा अस्पताल लगिएकी उनलाई शनिबार राति आईसीयूमा राखेर उपचार भइरहेको थियो ।
७ दशकभन्दा लामो संगीत यात्रामा उनले हजारौँ गीत गाएर भारतीय मात्र होइन, विश्व संगीतमा समेत गहिरो प्रभाव छोडेकी थिइन् । उनका गीतहरू पुस्तौँसम्म लोकप्रिय रहँदै आएका छन् ।
उनले करिब २० वटा भाषामा गीत गाएकी थिइन् । हिन्दी, मराठी, बंगाली, गुजराती, पंजाबी, तमिल, तेलुगु, मलयालम, कन्नड, भोजपुरी, उर्दू, आसामी, नेपाली, अंग्रेजी, रूसी, मलय, अरबी र स्वाहिली लगायतका भाषामा भोस्लेको आवाज भरिएको छ ।
“उकाली ओराली गर्दै”
“जुन फूल मैले रोजेँ”
“यो जीवन हो कि”
“कति बस्छौ माया लुकाएर”
“माया त माया हो”
“झिल्के घाम झुल्के”
लगायतका गीतहरू नेपाली भाषामा रहेका सबैभन्दा चर्चित छन् ।
