काठमाडौँ । अखिल नेपाल जनजाति सम्मेलनले आगामी आगामी २०८२ साल मङिसर २१ गतेदेखि पौष २१ गतेसम्म प्युठान जिल्लाको स्वर्गद्वारी नगरपालिका र माण्डवी गाउँपालिकामा जनजाति सम्मेलन केन्द्रीय समितिको आयोजनामा प्रशिक्षण कार्यक्रम सम्पन्न गर्ने ठेगान गरेको छ ।
सम्मेलनको पाँचौँ राष्ट्रिय महाधिवेशन पछिको प्रथम सचिवालय र उपलब्ध केन्द्रीय सदस्य सहितको बैठक पछि अध्यक्ष निमबहादुर बुढाथोकीले समितिको निर्णय वक्तव्य सार्वजनिक गर्दै सो जानकारी गराउनुभएको हो ।
वक्तव्यमा बुढाथोकीले कार्तिक महिनाभरी नै पाचौँ राष्ट्रिय महाधिवेशनको सन्देश सभा गरिने उल्लेख छ । त्यस्तै वक्तव्यमार्फत बुढाथोकीले जनजाति सम्मेलन अन्तर्गत संगठन विभाग, आर्थिक विभाग, प्रकाशन विभाग, साहित्य तथा संस्कृतिक विभाग, खेलकुद विभाग, सांस्कृतिक विभाग, श्रम उत्पादन तथा उद्योग विभाग गठन गर्ने निर्णय गरिएको जानकारी गराउनु भएको छ ।
प्रेस वक्तव्यमा लेखिएको छ:
“अखिल नेपाल जनजाति सम्मेलनको पाचौँ राष्ट्रिय महाधिवेशन पछिको प्रथम सचिवालय र उपलब्ध केन्द्रीय सदस्य सहितको बैठक सम्पन्न भएको छ । बैठकले गरेका महत्वपूर्ण निर्णयहरू सार्वजनिक गर्नका लागि जारी गरिएको छ ।
अखिल नेपाल जनजाति सम्मेलनको ऐतिहाँसिक पाचौँ राष्ट्रिय महाधिवेशन देशको विषम परिस्थितिका वावजुध पनि भव्य एवं सान्दार रुपमा सम्पन्न भएको समिक्षा गरियो ।
जनजाति सम्मेलनको पाचौँ राष्ट्रिय महाधिवेशनद्वारा पारित गरिएका निर्णय अनुसार देशका सम्पूर्ण जिल्लाहरूमा सन्देश सभा गर्ने निर्णय गरिएको छ । जस अनुसार बाग्लुङ कार्तिक २१, चितवत कार्तिक १५ गते, रुपन्देही कार्तिक २९ गते, नवलपरासी कार्तिक २२ गते, दाङ कार्तिक २८ गते, प्यूठान कार्तिक २५ गते, कपिलवस्तु कार्तिक २५ गते, अर्घाखाँची कार्तिक २६ गते, काठमाडौँ कार्तिक २९ गते, गुल्मी कार्तिक २० गते, नवलपुर कार्तिक २५ गते मिति निश्चित गरिएको छ ।
आगामी २०८२ साल मंसिर २१ गतेदेखि पौष २१ गतेसम्म प्यूठान जिल्लाको स्वर्गद्वारी नगरपालिका र माण्डवी गाउँपालिकामा जनजाति सम्मेलन केन्द्रीय समितिको आयोजनामा प्रशिक्षण कार्यक्रम सम्पन्न गर्ने ठेगान गरिएको छ । जसका लागि कतिपय साथीहरूलाई जिम्मा समेत निश्चित गरिएको छ ।
बाग्मती प्रदेश, गण्डकी लुम्बिनी, कर्णाली, सुदुर पश्चिम, मधेश प्रदेश र कोशी प्रदेश लगायतको प्रदेश भेला २०८२ मंसिरदेखि पुष महिनाभित्र सम्पन्न गर्ने ठेगान भएको छ । केन्द्रीय समितिको पूर्ण बैठक अगामी २०८२ मंसिर महिनाभित्र सम्पन्न गर्ने निर्णय भएको छ ।
जनजाति सम्मेलन अन्तर्गत संगठन विभाग, आर्थिक विभाग, प्रकाशन विभाग, साहित्य तथा संस्कृतिक विभाग, खेलकुद विभाग, सांस्कृतिक विभाग, श्रम उत्पादन तथा उद्योग विभाग गठन गर्ने ठेगान भएको छ ।”
