जगदीश ढकाल, नेपालगञ्ज ।
जातीय समता समाज नेपालगञ्ज उपमहानगर पालिका वडा नं १४ को वडा भेला आइतबार भवानियापुरमा सम्पन्न भएको छ । भेलाको प्रमुख अतिथि जातीय समता समाजका केन्द्रीय सदस्य मनबहादुर सुनार तथा विशिस्ट अतिथि राष्ट्रिय जनमोर्चाका पूर्वमहासचिव तथा पूर्वसांसद हरि आचार्य हुनुहुन्थ्यो ।
भेलाले रामप्यारे कोरिको अध्यक्षतामा वडा समिति चयन गरेको छ । समितिको उपाध्यक्षमा पार्वती खटिक, सचिव रामबिलास कोरी, कोषाध्यक्ष सितला खटिक, सहसचिव शम्भु प्रसाद पासी चयन हुनुभएको छ । भेलाबाट २९ सदस्यीय वडा समिति गठन गरिएको छ ।
रामप्रसाद चमारको अध्यक्षतामा सम्पन्न भेलामा अखिल नेपाल किसान महासंघका महासचिव तुलसीराम सापकोटा, राजमो केन्द्रीय सल्लाहकार मोमिना खातुन, अखिल नेपाल युवक संघका केन्द्रीय अध्यक्ष कृष्णराज पान्डे, राजमो बाँकेका अध्यक्ष भिमप्रसाद देवकोटा, तराई मधेस जनवादी मोर्चाका वैकल्पिक केन्द्रीय सदस्य रामसागर चमारलगाएतको आतिथ्यता थियो ।
भेलालाई सम्बोधन गर्दै समाजका केन्द्रीय सदस्य सुनारले जातीय भेदभाव, दमन, अत्याचारका बिरुद्ध दलित समुदाय आफैँ एकजुट भै संघर्षमा उत्रनु पर्ने आवश्यकता औँल्याउनु भएको थियोे ।
