जनकपुरधाम । महोत्तरीको मनरा शिसवा नगरपालिकामा २०७४ को स्थानीय तहको निर्वाचनमा वडाअध्यक्षमा पराजित एक उम्मेदवार पुनः मत गणनामा दुई मतले विजयी भएका छन ।
मनरासिसवा नगरपालिका वडा नं. १० का वडाध्यक्ष स्वतन्त्रबाट पराजित रमेश राय २ भोटले विजयी भएका हुन । निर्वाचित वडा अध्यक्ष अरुण कुमार चौधरी १ भोटले पराजित भएका हुन् ।
२०७४ असोजमा भएको स्थानीय तहको निर्वाचनमा दुबैजनाले बराबर २६७।२६७ मत ल्याएका थिए । त्यस बेला गोलाप्रथा गर्दा नेपाली कांग्रेसका उम्मेदबार अरुणकुमार चौधरी विजयी भएका थिए ।
वडाध्यक्षमा पराजित रमेश राय मतगणनणमा धाँधली भएको भन्दै अदालत पुगेका थिए । सर्वोच्च अदालतको आदेशमा जिल्ला निर्वाचन कार्यालय महोत्तरीले आइतबार दिउँसो उच्च अदालत जनकपुरमा मतगणना गरको हो । जसमा वडाध्यक्षमा स्वतन्त्रबाट पराजित राय २ भोटले विजयी भएका छन् । भने निर्वाचित २ भोटले पराजित भएका हुन् ।
