बुटवल । रुपन्देहीको तिलोत्तमामा अखिल नेपाल महिला सङ्घको पाँचौँ नगर भेला सम्पन्न भएको छ ।
राष्ट्रिय जनमोर्चाका केन्द्रीय सल्लाहकार बद्रे आलमको प्रमुख आतिथ्यमा २०८२ जेठ १५ गते बिहीबार सो कार्यक्रम सम्पन्न भएको हो ।
नगर भेला आयोजक समितिकी इन्दिरा ज्ञवालीको अध्यक्षतामा अघि बढेको सो कार्यक्रममा प्रमुख अतिथि राष्ट्रिय जनमोर्चाका केन्द्रीय सल्लाहकार बद्रे आलम र अखिल नेपाल किसान महासङ्घ (अप्फा) का केन्द्रीय सदस्य रुकबहादुर पराजुलीले सम्बोधन गर्दै महिलाले आफ्नो अधिकारप्राप्तिको लागि जुझारु सङ्घर्षको आवश्यक रहेको बताउनुभएको थियो ।
कम्युनिस्ट सङ्ग्रहालयका अध्यक्ष चेतनाथ आचार्य विशेष अतिथि रहनुभएको सो कार्यक्रममा अन्टुकका केन्द्रीय सदस्य कविराज गिरी, अखिल नेपाल जनजाति सम्मेलनका केन्द्रीय सदस्य नारायण पुन, जातीय समता समाज रुपन्देहीका कोषाध्यक्ष यमबहादुर परियार, महिला सङ्घकी जिल्ला कोषाध्यक्ष कोपिला आचार्यलगायत जनवर्गीय सङ्गठनका प्रतिनिधिको आतिथ्य रहेको थियो ।
आयोजकको तर्फबाट ज्ञवालीद्वारा प्रस्तुत अवधारणासहितको प्रतिवेदन पारित भएपछि बन्दसत्रले १३ पूर्ण, चार वैकल्पिक र चार सल्लाहकारसहितको २१ सदस्यीय नगर समिति चयन गरेको थियो ।
समितिको अध्यक्षमा मीरा केसी, उपाध्यक्षमा देवी आचार्य, सचिवमा भवी सुनारी, सहसचिवमा सरस्वती तरामु र कोषाध्यक्षमा सिर्जना परियार रहनुभएको छ ।
त्यस्तै, सदस्यमा विष्णुकली हिताङ, मनकला पन्थ, कल्पना टन्डन, विष्णु विक, देवकली भण्डारी, पवित्रा भुसाल, रन्जु घिमिरे र राजकुमारी काउछा रहनुभएको छ ।
भगवती ज्ञवाली, गोमा गैरे, गीता भण्डारी र सीता भुसाल वैकल्पिक सदस्य रहनुभएको सो समितिको सल्लाहकारमा इन्दिरा ज्ञवाली, विष्णु पराजुली, पार्वती गिरी तथा एक स्थान रिक्त राखिएको छ ।
नवनिर्वाचित समितिलाई प्रमुख अतिथि आचार्य, अखिल नेपाल ट्रेड युनियन महासङ्घ (अन्टुक) का अध्यक्ष लोकराज भुसाल र नेकपा (मसाल) रुपन्देहीका प्रवक्ता लालचन्द पन्तले शुभकामना दिनुभएको थियो ।
कार्यक्रमको सञ्चालन मीरा केसीले र स्वागत देवी आचार्यले गर्नुभएको थियो ।
