खलङ्गा । प्युठानको स्वर्गद्वारी नगरपालिका–५ सारीमा चन्द्रीदेवी बुढाथोकी प्रतीक्षालय उद्घाटन गरिएको छ ।
२०८२ साल वैशाख ३० गते संस्थाका अध्यक्ष तथा राष्ट्रिय जनमोर्चा स्वर्गद्वारी नगर समितिका उपाध्यक्ष गङ्गाराम बिसीको पहल तथा निर्माणमा बनेको प्रतीक्षालयको उद्घाटन गरिएको हो ।
प्रतीक्षालयको उद्घाटन नगरप्रमुख टेकप्रसाद भण्डारीले रिबन काटेर गर्नुभएको थियो ।
कार्यक्रममा विशेष अतिथिको रूपमा उपप्रमुख मीनराज रानामगर, तथा अन्य अतिथिहरू गिरबहादुर गुरुङ, हीरामणि भण्डारी, बिनबहादुर रेग्मी, शारदा बिसी, अम्बिका सुनारलगायत अन्य विशिष्ट व्यक्तिहरू हुनुहुन्थ्यो ।
कार्यक्रमको अध्यक्षता ज्येष्ठ नागरिक जीवलाल बुढाथोकीले गर्नुभएको थियो भने स्वागत मन्तव्य सहदेव बुढाथोकीले दिनुभएको थियो ।
कार्यक्रमको सञ्चालन प्रतीक्षालयका निर्माणकर्ता बिसीले गर्नुभएको थियो ।
अतिथिहरूले व्यक्तिको नाममा पूजा तथा दान दिनुभन्दा सामाजिक कार्यमा लगानी गरिनु प्रशंसनीय भएको बताउँदै बिसीलाई धन्यवाद दिनुभएको थियो ।
