बागलुङबजार । राष्ट्रिय जनमोर्चा तङ्ग्रामका सक्रिय कार्यकर्ता मनबहादुर थापाकी ७४ वर्षीया आमा मसिना थापाको निधन भएपछि राष्ट्रिय जनमोर्चाले श्रद्धाञ्जलीसभा सम्पन्न गरेको छ ।
काठेखोला गाउँपालिका वडा नं. ४ तङ्ग्राम पढेरास्थिति निवासमा २०८१ चैत ११ गते सोमबार सो कार्यक्रम सम्पन्न भएको हो ।
चैत ८ गते उपचारको क्रममा भएको निधन भएको चौथो दिन आयोजित सो कार्यक्रममा राजमो बागलुङका अध्यक्ष तिलक थापा, सचिवालय सदस्य लक्ष्मण पुन, जिल्ला समितिका सदस्य टीकासङ्गम विक र अखिल नेपाल जनजाति सम्मेलन बागलुङका उपाध्यक्ष ओम पुनले श्रद्धाञ्जली दिनुभएको थियो ।
त्यस्तै कार्यक्रममा राजमो तङ्ग्रामको अध्यक्ष विष्णु कँडेल, सचिव थिरबहादुर राना, सदस्य नरबहादुर थापा, भीम जोल्मी, हीरा विक, ससबहादुर विक, पूर्णबहादुर पुन, थमन पुन, जातीय समता समाज बागलुङका सदस्य भीम विकलगायतका नेताकार्यकर्ताले पनि श्रद्धाञ्जली दिनुभएको थियो ।
