बसन्तराज गोराथोकी, खलङ्गा ।
प्युठान जिल्ला स्वर्गद्वारी नगरपालिकाको विद्यानन्द माध्यमिक विद्यालयमा अखिल (छैठौं) को एकाइ समिति गठन भएको छ ।
राष्ट्रिय जनमोर्चा स्वर्गद्वारीका नगर समिति सचिव तथा स्वर्गद्वारी–४ का वडासदस्य द्रोणबहादुर रावलको प्रमुख आतिथ्यमामा २०८१ माघ १३ गते आइतबारका दिन भेलाद्वारा सो समिति गठन भएको हो ।
कार्यक्रमलाई सम्बोधन गर्दै राउतले विद्यार्थी आन्दोलनमा अखिल (छैठौँ) ले खेलेको भूमिकाको बारेमा चर्चा गर्नुभएको थियो ।
उहाँले विद्यालयको शैक्षिक कार्यक्रममा सक्रियता देखाउनुका साथै शैक्षिक विकृति, भ्रष्टाचार, महँगीबारे आवाज उठाउन पनि विद्यार्थीसित अनुरोध गर्नुभयो ।
अध्यक्षमा थापा
भेलाले पूर्णिमा थापा अध्यक्ष रहनुभएको अखिल (छैठौं) को १५ सदस्यीय एकाइ समिति गठन गरेको छ ।
समितिको उपाध्यक्षमा सुजल परियार, सचिवमा रोशनी खत्री, सहसचिवमा पूजा विक र कोषाध्यक्षमा मञ्जु सुनार रहनुभएको छ ।
समितिको सदस्यमा गीत घर्तीमगर, अनिता घर्तीमगर, अक्षिता रसाइली, विपिन धामी, अनामिका नेपाली, सुस्मिता सुनार, प्रीती बुढामगर, भूमा बुढामगर, रञ्जिता बुढामगर र निशाना बुढामगर रहनुभएको छ ।
अखिल (छैठौं) स्वर्गद्वारी नगर समितिका सदस्य आत्माराम सुनारको पनि उपस्थिति रहेको उक्त कार्यक्रम पूर्णिमा थापाको अध्यक्षता तथा राष्ट्रिय परिषद् सदस्य बसन्तराज गोराथोकीको सञ्चालनमा सम्पन्न भएको थियो । 
