परासी । नवलरासी (बर्दघाट सुस्ता पश्चिम) को बर्दघाट–१४ को वडा कार्यालयभित्र सेवाग्राहीमाथि दुर्व्यवहार भएपछि राष्ट्रिय जनमोर्चाले विरोध गरेको छ ।

राजमो बर्दघाट नगर समितिका अध्यक्ष ढुण्डिराज पोख्रेलको हस्ताक्षरमा २०८१ भदौ १० गते सोमबार प्रेसवक्तव्य जारी गर्दै पार्टीले विरोध सार्वजनिक गरेको हो ।

गत भदौ ७ गते वडा कार्यालयभित्र नै सेवाग्राहीमाथि दुर्व्यवहार हुनुलाई राजमोले दुखद घटना बताएको छ ।

सो घटनाको सम्बन्धमा प्रहरीमा उजुरी गर्न जाँदा प्रहरीको अरुचिको प्रसङ्ग उठाउँदै प्रेसवक्तव्यमा भनिएको छ– “उजुरी दर्ता गर्नकै लागि जनदबाब सिर्जना गर्नुपर्ने अवस्थाले प्रशासनबाट पीडितलाई नयाय दिलाउने र पीडकलाई सजाय दिलाउनेतर्फ कुनै आधार देखिँदैन ।”

राजमोले सो घटनाको सत्य तथ्य छानबिन गरी पीडितलाई कारबाही र पीडितलाई न्याय प्रदान गर्न आग्रह गरिएको छ ।