पोखरा । गण्डकी प्रदेशको मुख्यमन्त्रीमा नेपाली कांग्रेस संसदीय दलका नेता कृष्णचन्द्र नेपाली पोखरेल नियुक्त हुनुभएको छ । प्रदेश प्रमुख सीताकुमारी पौडेलले संविधानको धारा १६८ (५) अनुसार उहाँलाई शनिबार अपरान्ह मुख्यमन्त्री नियुक्त गर्नुभएको हो ।
मुख्यमन्त्री पृथ्वीसुब्बा गुरुङले २७ गते सदनमा विश्वासको मत गुमाएपछि प्रदेश प्रमुख सीताकुमारी पौडेलले सरकार गठनका लागि आह्वान गर्नुभएको थियो । शुक्रबार ३१ जना सांसदको हस्ताक्षरसहित नेपाली कांग्रेसका नेता कृष्णचन्द्र पोखरेलले मुख्यमन्त्रीमा दाबी पेश गर्नुभएको थियो ।
तर, गुरुङले पनि जसपा महन्थ ठाकुर पक्षको पत्र र राष्ट्रिय जनमोर्चाका बर्खास्त सांसद कृष्ण थापाको पत्र लिएर मुख्यमन्त्रीमा दाबी गर्नुभएको थियो । त्यसविरुद्ध विपक्षी ३१ सांसदले प्रदेश प्रमुखको निवास अगाडि शनिबार धर्ना दिएका थिए ।
बहुमत सांसदहरुको हस्ताक्षर वेवास्ता गरेर प्रदेश प्रमुख र मुख्यमन्त्रीले प्रदेश सभा भंग गरेर मध्यावधि निर्वाचनमा जान लागेको भन्दै ब्यापक आलोचना भएको थियो ।
यो पनिः गण्डकीमा विपक्षी सांसदहरुको धर्ना, मुख्यमन्त्रीले अनैतिक काम गरे : पियारी थापा
प्रदेश प्रमुखले ‘झेल’ नगरे गण्डकीमा कृष्णचन्द्र आज मुख्यमन्त्री बन्ने
गण्डकी प्रदेशः पोखरेलको पक्षमा ३१ सांसदको हस्ताक्षर बुझाइयो, सपथ भोलि हुने सम्भावना
गण्डकी प्रदेश प्रमुखद्वारा मुख्यमन्त्रीको दाबी गर्न आह्वान, विपक्षी दल तयार
गण्डकी प्रदेश सांसद कृष्ण थापा बर्खास्त
गण्डकीका मुख्यमन्त्री गुरुङ पदमुक्त
वामपन्थीलाई दिएको समर्थन फिर्ता गर्नुपर्ने अवस्था रहर होइन, बाध्यताः सांसद थापा (भिडियो)
गण्डकीको सत्ता संघर्ष थप रोचक, दीपक मनाङे ‘निर्णायक’
