खिमराज चालिसे/चण्डीगढ ।।
भारतको हिसारमा मूल प्रवाह अखिल भारत नेपाली एकता समाजको आयोजना प्रशिक्षण कार्यक्रम सम्पन्न भएको छ ।

एकता समाजका केन्द्रीय सल्लाहकार धनवीर पुनको विशेष उपस्थितिमा हिसारको इन्डस्ट्रियल एरियामा जनवरी ६, २०२१ का दिन उक्त कार्यक्रम सम्पन्न भएको हो ।

सो अवसरमा सल्लाहकार धनवीर पुनले मूल प्रवाहको ऐतिहासिक पृष्ठभूमि र सामाजिक स्वरूप तथा दर्शनलगायतका विषयमा केन्द्रित भई प्रशिक्षण दिनुभएको थियो ।

कार्यक्रममा केन्द्रीय सल्लाहकार एवम् नेपाली समाचारका संयोजक खिमराज चालिसे, मूल प्रवाहका नगर अध्यक्ष नन्दबहादुर लम्तरीलगायतको आतिथ्यता रहेको थियो ।

कार्यक्रमको अध्यक्षता एरिया अध्यक्ष लालबहादुर चुँदालीले गर्नुभएको थियो भने सञ्चालन नगर सचिव तारा सोमारेले गर्नुभएको थियो ।
कार्यक्रममा स्वागत मन्तव्य निरु सारूले गर्नुभएको थियो ।